المشاركة الأصلية كتبت بواسطة رونق الـــــورد

	أول شي أحب أوضح اني ماشيه معاك لأني فهمت انه الطلاق بالنسبى لك خيار غير مطروح .. ما تفكرين فيه وبالتالي بساعدك باللي طلبتيه ومو من حقي أحاول أقنعك تطلبي الطلاق لأنك تعرفي ظروفك أكثر مني وهذا قرار لك مطلق الحرية فيه . وأحب أقول اني فرحانة في شجاعتك وصبرك ومقدرة مقدار الضغط اللي انت فيه ومقدار ايمانك الذي أحسبه عندك حتى توصلي للقناعة اللي عندك ... أحترمك وأكبرك موضوع العلاقة الخاصة صار تافه عندك لكنه مو تافه عنده ... ولازم نستغله الحين أعطيتيني معلومة جديدة نقدر نستفيد منها ... البنت من بلد اخر يعني ما يقدر يتواصل معها جسديا . وصدقيني نكهة التواصل الحقيقي تختلف عن نكهة التواصل بأي طريقة ثانية .. أدري انهم يتواصلوا بتليفون أو كام أوغيره لكن انت غييييييييييير . الحين فكري معي ... هو شنو ياخذ منها ؟؟؟ ... ياخذ مدح وياخذ كلام عشق ويمكن جنس (خلينا نسميه جنس اتصالاتي ) .. أعطيه المدح وأعطيه كلام العشق . خل يمل من كثرة الرومانسيات منك ومنها . هي بصفها الحلاوة اللي يضبفها الشيطان على كل شي حرام وانت بصفك حلاوة التواصل المباشر فإذا تساويتي معها بالفائدة اللي يستفيدها منكم الثنتين بالنهاية بيتركها . هذا أملنا بالتالي لا تقوليلي انه يعرف انك تحبيه ... لازم تقوليها دايما وتذكريه فيها دايما حتى لو صدك بالأول لانه يشعر وكأنك ضد حبه مثل شعور الطفل تجاه زوجة الأب .. يحسها تبي تاخذ مكان الأم فيهاجمها بدون ذنب كيف زوجة الأب الذكية تكسب أبناء زوجها ؟؟؟ تتحملهم وتحسن لهم الى أن يتقبلوها . صح ؟ لاتحاولي تسيئي لها بشكل مكشوف نهائيا لانه راح يكون أول المدافعين عنها .. لكن ازرعي الفكرة بعقله بشكل غير مباشر وخليه هو اللي يوصل للنتيجة بنفسه . مثل قصة المادة وقصة الحلال .. تقدري تظلي تعيديها بطرق مختلفة الى أن تتركز بعقله الباطن .حتى لو قلت كلمة وبدأ بالهجوم فانت الحين عارفة متى يهجم وهجومه غير مفاجئ لك يعني تقدري تواجهي هجومه بهدوء وتمسكي أعصابك وتقولي ... لا حبيبييييييي بصوت ناعم غنج ,,, ما قصدتك أبد يا عمري ... أنا قصدي في ناس .. مو أنت ولا أي أحد بالذات .. بس أشوف حواليني بالمجتمع في ناس يبيعوا مشاعرهم عشام الفلوس .. تخيل قرأت بالنت عن بنات يتسلطوا على شبابنا الخليجيين بس عشان فلوسهم .. تنزل فيه كلام غزل وتعمل قصة حب وهو مسكين مصدقها ويرسل لها ويصرف عليها يظن انها تحبه عن جد !!!!!! ما ألوم هذول البنات .. حرام يمكن محتاجين وأهلهم ما عندهم فلوس . ولا ألوم شبابنا .. يعني كيف الواحد يقدر يفرق ؟؟؟ صعب ... ألوم الفقر اللي حاد هذول البنات يسووا كذي . صدقيني حتى لو عصب بوقتها بيظل كلامك يدور براسه بكل مرة يرسل لها فلس. وحاولي أي معلومة تعرفيها عنها تستغليها لصالحك الحين نجي لموضوع العلاقة الخاصة لا تطلبيه وما دام صار شي تافه بالنسبة لك فما راح تكون صعبة عليك .. خليك السهل الممتنع ... موجودة أمامه وبكل جمالك وأنوثتك ودلعك .. تحرشي من بعيد لبعيد .. بمشيتك .. بإنحنائتك وانت تتناولي شيء من الأرض .. بملامستك جسمه وكأنه بدون قصد اذا حاولتي تتناولي شيء من الخزانه اللي هو واقف قدامها ... ببوسه على السريع .. أو ضمة سريعة وقت طلعته من البيت .. لكن خلي تعبير وجهك خالي .. ولاااا كأنك تقصدي شي ... وأكرر لا تطلبيه نهائيا ... مافيها زعل لانه هو ما يطلبك .. بالعكس انت فرحانة ومثل الفراشة بالبيت . لكن اذا طلبك وهذا ممكن ياخذ أسابيع أو شهور الى أن يتحقق لا تمتنعي ... بالبداية لا تظهري لهفتك لكن لا تمتنعي ... وعند ساعة الجد أبدعي ... طلعي كل لهفتك وكلام واهات وخل يشوف الفرق بين الشي الحقيقي وبين الاتصالاتي . كمان لا تنسي دعواتك له ... ادعي له دعوة حلوة كل ما صارت مناسبة .. عند طلعته من البيت وعند رجعته . يمكن هو يشعر انه أهله بصفك وهذا يعطيه شعور وكأنكم ضده ... وصلي له معلومة انك تحبي أهله لانهم أهله يعني عشانه هو . طبعا لانهم أخلاق ووووو لكن أولا وقبل كل شي لانهم من ريحته . طبعا أولا وأخيرا ... الدعاااااااااااء . الدعاء ... ما يفرجها الا ربك هو مقلب القلوب نسيت شي في حاجة ثانية تجذب الرجل .. تجذبه الانثى اللي تحتاجه .. تقدري مثلا وهو طالع من البيت (( حتى لو كنتم متخاصمين وقال لك كلام يزعلك )) .. ناديه . فلان .. وحطي يدك على ذراعة تحت الكوع بلمسه خفيفة وقوليله .. ترى بيتك ما يسوى شي بدونك .. تقدري ترسلي له لما يتأخر .. اشتقت لك .. ممكن لما يرجع يعصب وليش ترسلي أو كذا .. قولي له اااااه بس من قلبي .. هو اللي متعبني .. يقوللي ما يقدر يعيش من دون ما يشوفك . وروحي عنه .. لا تنتظري جوابه . اذا قال لك انك ما عندك كرامة أو أي شي بهالمعنى .. قولي له .. عندي كرامة بس قاعدة أصبر نفسي وأقول اصبري يا بنت يمكن بيوم من الأيام يحب قلبك مثل ما قلبك يحبه وقومي واطلعي ممكن يقول لك ,,, لا . لا تصبري .. ما راح يتحقق أملك .. قولي الله كريم واتركيه . قوليله وأنا من لي غيرك ؟؟ انت أهلي وناسي كلهم .. كرريها بكل مناسبة .. مثلا اذا كنت مريضة أو تعبانه اطلبي منه يساعدك واذا تذمر قوليله وأنا من لي غيرك ؟ اذا جلست تشوفي تلفزيون اطلبي منه يجلس معك وقوليها .. اذا طلبتي منه يوصلك مكان . طبعا مو من مصلحتنا يشوف أنك من غير حيلة أو يظن انك معتمدة عليه كليا لكن حاليا بنقول هذا الكلام وبعد فترة كل التصرفات هذي راح نغيرها وراح نغير كل الكلام بعد فترة شهرين أو 3 لما يبدأ يتغير ويلين قلبه أو على حسب التطورات اللي تصير . حاولي تكوني صلة خير بينه وبين أهله .. ساعديه بتحسين وضعه ... استمري بمحاولتك تحسين وضعه الديني .. هذي كلها أشياء هي ما تقدر عليها .

Beta2
تسلمين غناتي
أنتي خليتيني أعرف أني مو مقصره خليتيني أشوف أن الي صلحته معاه هو الصح عطيتيني ثقه في النفس من جديد بعد محطمها هو وجالسه أبين له أني مازلت واثقه من نفسي
لو أكتب لك كل شي با التفصيل كان أنتي أول وحده تقولين لي ((تطلقي )) أنا الحين زوجته وصعبه أنشر الغسيل عشان كذا مخليه الموضوع ((مشكلتي بأختصار
يعطيك الف الف الف عافيه اختي Beta2 على جهدك المبذول و أهتمامك الملحوظ والله ماقصرتي الله يكثر من امثالك يا بنت الاكارم
على كلماتك وحروفك المشجعة كلامك جدا مقنع وواقعي وجربته لكن للأسف مافيه نتائج تختلف الطرق لكن المضمون واحد
الخاينه الي معاه مسويه نفسي ما اعرف شي عنها يعني ما أجيب سيرتها لا في خير ولا شر
حبيبتي لو(( مايعرف أني أحبه )) وسويت كل شي لا أجله كان ماسوى فيني كذا مثل ما قال الأخ سديد الرأي خضعتي له وصفه صحيح وحتى وأنا مريضه أخدمه وأقوم بوجباته
هو أكثر واحد يدري أني أحبه و من ناحيه الكلام مو مقصره أبد حتى وانا زعلانه أقوله أحبك عمري روحي حبيبي ولمايكون سهران أول مايدخل أول كلمه أقوله له أشتقت لك حتى عند خواته وانا أستحي أتجراء وتغزل فيه لدرجه أنه يقول عني ((كذابه)) ومن ناحيه الا فعال أي حركه حلوه أشوفه أو أسمع عنها او أقراء عنها لازم أطبقها تدرين شنو يقول تصلحين تكونين ((ممثـــــــــله ))
وراح تكون صدمه له لما أقول أبغى الطلاق لا أني أتهرب من الطلاق أربع سنوات وفجأه أطلبه وهو يشوف أني ما أستغني عنه وما أرفض له طلب ومبسوطه معاه
الله يعطيك الف صحة وعافية
وشكري لك واصل