منتدى عالم الأسرة والمجتمع - عرض مشاركة واحدة - قصتي مع عضوة هنا ولاتبخلون علي بالمشوره ( تم الطلاق 133)

11-04-2011, 04:45 PM

#11

أحمــــد

عضو جديد

تاريخ التسجيل: Mar 2011

المشاركات: 45

الله يجزاااااااى الجميع كل خير
أنتم عائلتي هنا
أختي بيتا الله يرفع قدرك
أبدا ماأزعجني كثرة مداخلاتك بل على العكس كثر الله خيرك تتعبين معنا
ومادام زوجتي بعمر بنتك الصغيره فأنا أتقبل نصايحك كنصيحة أم لإبنها
الله مارزقني بأخوات وأخي مشغول لكن الله رزقني بأخوان وأخوات هنا قلوبهم على بعض ويراعون الله بكل حرف يكتبونه وأعرف نظام المنتدى وأعرف أن مافيه تواصل بينكم وبين زوجتي وأعرف أنها مادخلت المنتدى من كتبت موضوعها لظروف الي حصلت لكن أنا اليوم باخذ أغراضها لها ومن ضمنها اللاب فإذا حصل ودخلت لاتقصرين معها يابيتا
ماأهملت أي رد من ردودكم أبدا كلها قرأتها الله يعطيكم العافيه تكفينا دعواتكم لنا

طنشتها يومين على أساس تتأدب وتراجع نفسها وأتصل علي أبوها يقول ماترد,,,وهل كلمتك أومريت عندها؟؟؟
كسرت باب الغرفه لأنه مغمى عليها ولاصحت إلا بالمستشفى
هذي لوتكمل معي بتتكسر كل ابواب بيتي
اي ضغط نفسي عيشتني فيه وأي فقدان اعصاب وأسألها ليش صايمه أن شاءالله وممتنعه عن الأكل تقول بكيفي

,,,قلت ايه نعم بكيفك لكن أنتظري إلين يرجعون أهلك لاتورطيني فيك ولاتحرجيني مع أبوك الطيب
أسألها وين جوالك دقي طمني أهلك؟,,حطيته بالزباله!! ليش؟,,لأني أدق عليك يومين ومارديت علي!!
أستخدمتي الزيت والسدر؟,,حطيتهم بالزباله !!,,ليش؟,,عشانك طلقتني!!
وأعتذرت وقالت برجع معك وخلنا نفتح صفحه جديده
قلت لا أنطقي عند أهلك إلين تنتهين من العلل الي فيك بتروحين شيخ بتشيلين أفكار من راسك أنا مدري وش الي فيك أنتي يوم كذا ويوم كذا بعطيك مهله شهر وإذا أنتهيتي من حركاتك الطفوليه بلغيني برجعتك أو طلاقك
وإذا رجعتي بنفتح صفحه جديده وإذا أخترتي طريقك أبشري بورقتك
قالت طلع لي جوال قلت لا ماأسمح لك فيه لأنك قطيتيه بالزباله وإذا لزم الأمر بجيب لك الكشاف

تستخدمينه إلى شهر 5 من العام القادم إذا الله أحيانا بإذنه
وطلبتني أروح معها مكه ورفضت قلت خلاص حنا متفقين تروحين مع أخوك
وقابلت صديقي العزيييز الي هو عمها وأخبرته ووعدني يستمر معها بالذهاب لشيخ وبنشوف وش آخرتها معها
وأنا بضغط على نفسي وأبتعد هذا الشهر وأسأل الله الخيره من أمري,,