هذا اللي زوجتك تبغاه منك ،،

حتى تعطيها مساحة لنفسها ..

كان زوجي مثلك بالضبط أول ما تزوجت و كنت مثل زوجتك ..
- بس الفرق إني ما عمري صرحت لأحد لا في المنتدى و لا أهلي -

من كثر ما كان زوجي بس على كل شئ يمزح و يتريق و ما يقول (لأ) أبدا
كنت بداخلي أتمنى إنه شوي ( يثقل ) ..

بس دحين صارت شخصياتنا تنقلب و كل واحد ياخذ طبع الثاني

.
.

أذكر زوجي كان يقولي ، أصحابي يقولوا .. الحرمة لو كل شئ تقول لها ( طيب ) بتطفش
و كان يسألني ؟ صح كلامهم ؟

كنت بداخلي أقول له ( إيوة صح كلامهم ) ،،
بس عند زوجي أقول له ( مو كل الحريم زي بعض ) و مو شرط كلامهم صحيح ..

.
.

فإنت شفت دحين ، كيف يوم إنك شوي أهملتها و ثقلت ..
صارت هي تبغاك ترد و تجي عندها ..

أعطيها مساحة لنفسها و لا تخنقها بكثرة الإهتمام حتى لا تهرب منك