مرحبا أختي الغاليه لاتظلمونه عادي يا أختي ماحصل شئ أنتي أختي وأ نا أتقبل أي نصيحه منك على راسي وعلى عيني مافيها شئ وبالنسبه لزوجة الرجل أنا أتوقع إنها كانت صغيره بالسن وصديقاتها غررو بها وأوهموها بهاذي السوالف مثل ماهو بنفسه صاحبه جرجره وأقنعه حتى كلمهابالجوال وبعدها تعلق فيها وهيه تعلقت فيه وصديقتها أمحقها من صداقه يوم دق عليها يسألها عن البنت وش فيها متغيره عليه جاوبته بأن البنت تعرف غيره وتحبه كان المفروض هو من ذاك الساع ماعاد يلتفت لها خلاص ضحك عليك الشيطان وتعرفت على بنت أتركها ولا عاد تجاريها ولاتقول أخطبها وأتزوجها لا هاذا غلط لأن الشك ماراح يفارقك مدى الحياة مع هاذي الزوجه وتتزعزع الثقه بينهم وتصير حياتهم جحيم لا تطاق وأنا أنصح الأخ بأنه يتريض في أمره ويتذكر هو بنفسه من أوصله لهاذا الطريق غير رفقاء السؤ ولاينسى إن زوجته بنت ويمكن إنها نفسها تتوب وتفتح صفحه جديده بحياتها مع زوجها و لا كن هاذي الرفقه وذولي الشباب ماسكين عليها أدله مثل رسائل أو صور لها و يهددونها فيها لو تركتهم يعني يستخدمون طريقة للي الذراع علشان ماتتركهم ويبتزونها بهاذا الأسلوب
ويجب عليه إنه يراعي كل الجوانب وأتوقع إنها حلفت كذب كانت خايفه على بيتها لاينخرب
وخايفه من الفضيحه بين الناس وزوجها المفروض ياخذها بطريقه سياسيه وهدؤ علشان يعرف وش الأسباب والدوافع في إحتفاظها بصورهم ورسايلهم وإيميلاتهم و يفهم منها كل شئ بنفسه وإذا أراد فعلا صلاح زوجته عليه أولا إبعادها عن صديقاتها السيئات
ويحاول هو بنفسه يتعرف على أصدقاء ملتزمين وفيهم خير ومتزوجين ويخلي زوجته تتعرف علي زوجاتهم ويقوي علاقته بالأصدقاء الصالحين الأخيار ويبتعد عن رفاق السؤ وبإذن الله ينصلح الحال بينهم
أخير أختي وحبيبتي الغاليه لاتظلمونه أنا والله مجرد ما أشوف سالفة بنت كانت تكلم شاب وهو يكلمها أنا على طول أتنرفز وأتضايق وأعصب زياده ولاكن في النهاية لايوجد بشر معصوم من الخطأ وكلنا خطائون وخير الخطائون التوابون وحنا عندنا عيال وبنات وسبحان الله الزمن دوار ونخاف تلف فينا الأيام ونلاقي عيالنا يمشون بهاذا الطريق فيجب علينا أن نتعظ أولا وثانيا ناخذ بيد هاذي الفئات من الشباب والبنات ونرشدهم لطريق الحق والصلاح ونسأل الله لهم الهداية والصلاح وأن يجنبهم ربنا كل شر وكل سؤ .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله