السلام عليكم اعضاء المنتدى بصراحة هاي اول مشاركه لي في هذا المنتدى وان شاء الله راح تنصوحوني وتفيدوني باذن الله .....
راح اطرح لكم مشكلتي وابي حل لاني مليت من الحاله اللي انا فيها
انا مخطوبه من سنه وشهرين واكلم خطيبي هنا اقصد ( عقد قران ) يعني انا مالجة واكلم خطيبي تخيلوا مرت كل هالفترة وفعمره ما قالي حبيبتي وهالشي وايد مأثر فيني لاني انا رومانسية حساسه بس بقول لكم شغلة ان خطيبي خجول جدا وهادئ وغامض ومن الصعب حد يفهمه حتى هو بنفسه يقولي هالشي ودايما يقولي انه ما يحب يبين غلاة انسان عنده وقليل اذا كان بيمتدح فيني وبطريقه غير مباشرة ورسمية
دايما فقلبي اشياء ابا اقولها له بس يوم اسمع صوته ما اقدر اقولي اللي في خاطري ودايما اطرشله مسجات بس مايرد علي احسه احيانا انه ما يحبني وهالشي كثير متعبني حيل والله مو عارفه شو اسوي معاه
دايما يقولي انتي ماطلعين اللي فقلبج وساكته بس هو يمنعني من اني اقول اللي فقلبي لانه يحبطني باسلوبه الجاف والبارد وعلى فكرة مرة قلتله انا حبيبتك قالي انا ماعندي هالسوالف
بس اللي يريحني شوي انه هو دايما يتصل فيني ويسأل يعني طبعا مو كل يوم نكلم بعض فالاسبوع ثلاث مرات ونكمل ساعين او ثلاثوتمر علينا اوقات ما نتكلم بالشهوراذا كانت عندي اجازة بحكم ظروفي فالبيت وهو الحين مسافر ويتصل فيني ثلاث مرات في الاسبوع ونكمل تقريبا ساعه او ساعتين
بس المشكلة الحين اني احس في برود بيني وبينه ودايما احسسه باهتمامي له وهو العكس تماما
وعلى فكرة تراني انا وياه بنفس العمر
الله يخليكم ساعدوني لان هالشي متعبني واحتمال العرس يتأخر سنه زيادة لانه مسافر يدرس برع صرنا نتكلم عن اشياء عامه وعادية مكالماتنا ابدا مب رومانسية والناس يقولوا هالفترة احلى فترة وخطيبي ما محسسني بالشي ابدا
اتريا ردودكم بفارغ الصبر