أنا أشوف إنه عيب عليها تفضح زوجها أولا هاذا أبو عيالها بكره عيالها وين يودون وجيههم من الناس وفي المدارس وإحتمال يتم تداول هاذا المقطع بين زملا ئهم وطبعا العيال نفسياتهم راح تتأثر وراح تسبب لهم إحراجات في مجتمعهم وثانيا الناس بترد الملامه عليها هيه زوجته بيقولو لوكان زوجته مكفيته كان ماراح لشغالتها وما خانها إلا لتقصيرها معاه وفي النهايه هو رجل لو يخون ألف مره وتقدم يخطب أي بنت بتوافق عليه ماراح يعيبه شئ بالذات حنا في مجتمعات تدين خيانة المرأة أ كثر من الرجل ودائما خيانات الرجل يلاقون لها مبررات وأعذار لاكن المرأه لا مستحيل في نظر البعض تستحق الإعدام لشناعة فعلتها فكان من الأولى أن تستر زوجها
وتواجهه بفعلته وإذا نفسها عافته تطلب طلاقها لاكن ترو ح تفضحه بين الناس هاذا عيب عليها وين حق العشره وين حق كرامة عيالها وكرامتها بين الناس الحين كل ماطلعت مكان مع عيالها الناس تسولف فيها هاذي فلانه إللي زوجها طلعوا له مقطع فديو مع الشغاله وذولي أولاد فلان إللي أبوهم مسوي فضيحه مع شغالتهم
بصراحه أحسها شرهه وفضيحه للعائله بأ كملها وكان بدل ماتجلس تصوره بالكاميرا كان دورت على أسباب خيانته لها أفضل من تصويره ونشره على خلق الله والناس ماراح تحاسبه على فعلته كانت سترت عليه ورب العباد هو بيحاسبه بعمايله الله المستعان ونسأل الله الستر والعافيه .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله