منتدى عالم الأسرة والمجتمع - عرض مشاركة واحدة

31-03-2011, 07:02 AM

روح الطير

كبار شخصيات المنتدى

تاريخ التسجيل: May 2005

المشاركات: 12,052

ألف ألف ألف ألف مليون شكر و بوسة و حضن كبير لك حبيبتي وردة بين الثلوج

اليوم دقيت على المنتجعات ، بس شكلي تأخرت و أغلبهم محجوزين ..

و منتجع الدولفين عندهم غرفتين و حمامين الله يعزك و مطبخ بـ 650 و 750 و 800 و ألف ... إلخ
قلت لهم نحن عيلة صغيرة تكفينا بس غرفة ، قالوا ماعندهم ..

و دقيت عالرمال الذهبية و قالوا عندهم بس في الصف الثاني لإنه اللي في الصف الأول كله محجوز
و زحمة ..

مو مشكلة ، يارب بس ما يضحكوا علي و يلغوا حجزي ..
بس الحلو و على حسب كلام الموظف ، إنه برضو عند البحر و بالمشي نروح بس ما يطل عالبحر ..

ترى بأعمل لزوجي مفاجأة .. و يارب لا يفشلوني ..

لإني لو ما عملت كذا ، أعرف زوجي بيجلس 3 ساعات يلفلف في ينبع عشان يلقى فندق
و أنا نفسي في شئ عند البحر ، عشان أشم ريحة البحر في الليل و أسمع صوت الأمواج في الليل

و إن شاء الله المرات الجاية بأحجز من بدري ..

.
.

و شكلي بأشوف هذولا المطاعم ..

اقتباس:

2 - مطعم شاهين - للمأكولات الهندية - حي 5 - ينبع الصناعية .
3 - مطعم جريف - مندي ومظبي ،،، إلخ - حي السميري - ينبع الصناعية .

لإني ما أحب الأكلات البحرية ..
مع إنه سمك ينبع غيييييير من جد ..

.
.

و الله من جددددددددددددد ريحتينا من لفلفة الشوارع و الطرق ..
و خاصة إنه زوجي مرة ما يعرف للشوارع هناك ، أفتكر رحنا من 3 سنوات .. و في الأخير من التعب
أخدنا فندق ( مقرررررربع ) و حالته حالة أخدناه الساعة 8 الصبح و نمنا من التعب و عالساعة 2 الظهر
رجعنا و لا شفنا البحر .. لإنه أمي اتصلت تقول ولدك يبكي تعالوا أرجعوا ..

الله يريحك يارب و يسعددددددك ..

و أول مرة أدري إنك من ينبع

.
.

و بأشوف كمان (مركز المعلومات السياحية)
أول مرة أدري عنهم ..

و النور نورك يا أغلى وردة ..

التعديل الأخير تم بواسطة روح الطير ; 31-03-2011 الساعة 07:28 AM