أنا رومانسي بزيادة ولاأقدر أغير طبعي لكن بحاول
وأنا فعلا دلعتها بزيااادة لكن غصب عني أنا انسان أحب أدلع وهي أحبها وأحب أدلعها ولا لي في الدنيا إلا هي وهي تستاهل الدلع حبوبه ومطيعه وجميله وخلوقه..لكن هي ماحبتني لوحبتني كان أعجبتها رومانسيتي
ومزحي ومقالبي برضو طبع فيني بالذات المقالب ومعها أجننها لكن والله كله مزح في مزح وهي خجوله وتتضايق من كذا إذا قلت لها اليوم بسوي فيك مقلب تقول لاتكفى ياأحمد أخاف
وبعدين مقالبي جدا بسيطه,,آخر مقلب:
قلت لها حبيبتي أرتاحي هنا بجيب لك كاسة شاي
قالت ماحب الشاي
قلت من يديني راح تحبيه>>>غصب يبيها تحبه
وحطيت في كاستها بدل السكر مللللح
وأنا كاستي طبعا سكررررر
وأعطيها قلت الحين بيعجبك حيييل
وأشرب قدامها وأسولف وهي تشرب وتتقلب عيونها من الملح
قلت أفااا ماأعجبك
قالت أنت مسوي في ابريق
قلت ايوه كاستي وكاستك من ابريق واحد
وأشرررب من كاستي
وهي تبلع كاستها مجاملة لي
آخر شئ قلت لها يالخبله كيف تشربين الملح
وزعلت علي
وحاولت بعض الأوقات أكون جدي ولكن هي صامته جدا فيصير يومنا ممل وأنا انسان فرفوش ومزوح ومره قررت أكون صامت وسألتني غريبه وش فيك اليوم ماتنكت قلت لها ماأعجبك لا كذا ولاكذا
قالت لا بس توقعتك تعبان أو زعلان!!!