خدي بالك ان دايما في سيناريو إلاهي احنا مانعرفش عنه حاجة ...
ودعائك الدائم اللي هيخليه بإذن الله في صالحك وده اللي الواحد بيتمناه
بس خلينا دلوقتي في تحليلاتنا للموقف ،،
انتي بتفكري في لحظتك الآنية اوي ياعبير فكري في بعدين
خلي النظرة بعيده وشمولية ،،
انتي بتفكري في نفسك واحساسك وبتحاولي تملي الحته اللي وجعاكي وتِفْصِليها،، وهو بيفكر في رغباته
الزواج حاجة كبيرة جدا ولازم ليها شوية تضحيات برغبات الواحد ،،
يعني ماينفعش عشان انا مثلا واحد هاوي سفر ورحلات اكتر من اي حاجة اتجوز واخلف وابقى على هوايتي دي ،، اللي هتضر بكل شئ وبالاستقرار اللي هو اهم ركن في اركان الزواج
انتو عيالكو لسة صغيرين ،، وقادر يفكر بنفسه بالمنظر ده
انا متأكدة انه اب رائع فيما يتعلق بالمطلوب منه في الفترة الحالية
لسة بتفكرو في نطاقكم انتوا الاتنين
انما رغبته دي ليها ابعاد في المستقبل رهيبه على وقته وماله وكل شئ
مش هيبقى ليه وقت لعياله بعد كدا هما محتاجين منه وقت كتير ،، وطفل غير اتنين غير تلاته
غير بأه الله اعلم عواقب كل اللي بيعمله
لما تبقى بنته محتاجة منه شئ ضروري واهتمام بمشكلة معينه ويفاضل عليها واحدة بمشكلتها ،، انتي نفسك هتتخنقي
اه ييجي على حقي وانا مسامحة انما حق عيالك وقتها هتعملي ايه ؟!!
الستات كل تجربة وليها تمنها عليكو وعليه وفي المستقبل بتاعكو كمان
ده غير التغييرات الميزاجيه اللي هيمر بيها تبعا لسير علاقاته ،، واللي ليها تأثير عليكو ،، رضيتي ام ابيتي
الواحد لما بيبني بيت لازم يكون قدها ،، انتي شايفة ان ده عيب زوجك الوحيد
بس العيب ده يكلفوا بيته واستقراره ونفسية اولادة السوية ،، عيب عن عيب يفرق
ان قدرتي تداري دلوقتي وتملي الفراغ سنة او اتنين او 10 ،، مش هتقدري بعد كدا
الدنيا بتطور والجيل الجديد اذكى من ومنك ويقدر يعرف كل اللي هو عاوزه ،، وكل شئ وله تأثيره
انتي مش بتعملي بيت قد مانتي برده بتربي جيل بكل مافيه
لازم تكلميه بحزم يعيد صياغة نفسه واهدافة وتفكروا كويس بشموليه
انتي لو اتحملتي شوية مش هتتحملي بعدين
ان كان تركيزة دلوقتي متساوي فالموضوع بعد كدا مش دايم ،،
ان قدرتي تخلي روحانياتك في العلالي ففي لحظات هتمر عليكي عاوزة فيها حب صادق برده يبرد قلبك ويهدئ من روعك خصوصا في اللحظات الحالكة واللي نفسيتك فيها صفر
التعدد مش حل زوجك تماما ،، هو نفسيته قالبه على مزواج اكتر ،،
وربنا يستر ،،
التعديل الأخير تم بواسطة helwaya ; 28-03-2011 الساعة 06:07 PM