ياروح ياقلبي صدقيني تعلمت ، أنا فعلا كنت ضعيفة ومسالمة ، بس خلاص تغيرت

مرة قال لي بروح القهوة ، اروح ولا لا ؟

قلت (كعادتي) بكيفك اللي يريحك سويه

قالت لي أمي أم جمانة وليش ما قلتي لا ، بس من باب التحدي وفرض الرأي

ومن بعدها تعلمت

صرت اعبر عن رغباتي

مرة اقول له لاتروح بأمر

ومرة أقول له لا تروح بدلع

صرت اتعامل معاه بالأوامر (أحياناً) لانه دايما ما ينفع يخليه ينفر

أنا جنوبية مثله ياروح ، ولما يعاملني كويس اطفش وأمل ، ولما يشد علي أحياناً انبسط

ففهمت انه هو كمان مثلي ومن وقت للثاني أعامله زي الأطفال وأمر ونهي

أذكر مرة أختي لمني بشوق قالت انه زوجها يتعمد يحط سكر كثير في الشاي _أظن كذا_ عشان تعامله مثل الأطفال

معناها الرجل يحب المرأة اللي لها رأي ولها دور في حياته ما يحب المرأة السلبية ، وانا تغيرت كثير ياروح ، ومتأكدة انه مو ناقصه شي معايا لاني اصلا انوع واغير مو بس في لبسي وحركاتي ، حتى اسلوب تعاملي معاه مو نفس الاسلوب ، يوم اكون طيوبة يوم عصبية يوم افضفض له اني تعبانة يوم قوية وأوامر وزي كذا

اراعي حكاية الملل والروتين ، يوم اتكلم لبناني ، يوم اتكلم مصري ، حتى اللهجة المغربية اللي يحبها تعلمتها وكلمته بيها

ايش ممكن يكون ناقصه معايا ؟؟

يمكن تقدروا تفتحوا عيني على شي انا مو شايفته

ارحب بكل مداخلاتكم