أسلوبك في الكتابة والتعبير يدل على ذكائك... ولا يوجد به مايوحي بأنك قليل الذكاء كما تقول
أنا أؤمن انك مابداخلك عكس مايظهر خارجك، فاللي حولك ممكن يعتبرونك مسكين وعلى نياتك لقلة حديثك وحرجك منهم وانك تسايرهم على هواهم..
حبيبي... دائما المسكين واللي بعض الناس يعتبرونها مذمة، مايكون يدري انه مسكين وعلى نياته..
يبغى لك تختلط اكثر بالناس وتواجه نفسك واهلك بمشكلتك..
انا فيني طبع من طبعك..والحمدلله لي صداقات..حاول ان تطلع في البداية مع واحد فقط وتبني معاه علاقة جيدة..ولاتتوقع انه راح يكون صديقك الصدوق.. لاترفع سقف التوقعات حتى لا تنصدم.. ولا ارى انه عيب اذا اخبرته ان طبعك هاديء وقليل الكلام.. وفي نفس الوقت حاول تبني صداقات اخرى.. ثم حاول تجمع صديقين عندك في البيت تقهويهم وتعشيهم..
وحاول تطلق لسانك، دائما في الجلسات خاطب نفسك، وشهو اسوأ شي ممكن يحصل اذا تحدثت؟ بيتركونك يعني؟
طيب واذا فعلا حصل انه كم شخص ما حب اسلوبك، عادي جدا لا تتوقع ان الناس كلهم راح يحبونك ولا كلهم يكرهونك
ولاتخاف من الغلط، اللي مايتكلم هو الشخص اللي مايغلط
وترى اي متحدث مهما كان بارع الاسلوب تكون له سقطات كثيرة