الله يجزاك خير يا أم جمانه على هاذا الموضوع الطيب والمبارك وأسأل الله الذي تجلى في علاه أن يكتب لك بكل حرف كتبتيه حسنه ويرفع عنك
سيئه و أسأله عزوجل أن يطهرك من الذنوب والخطايا تطهير ا وأن يرفع قدرك ويثقل ميزان حسناتك يارب
بالنسبه لإستغلال الوقت الحمدالله ومن فضل الله ومنته عليه الإستغفار هاذا ما أتركه ولا أقدر أنساه في أي لحظه الحمدالله وأنا في المطبخ أغسل المواعين أو أطبخ أو أقطع خضار وأحيانا أشغل المسجل إما محاضره أو قرآن مايمديني أخلص وجهين الشريط إلا والطبخ جاهز حتى وقت النوم أقراء أذكار النوم بس تحس باقي عندك وقت لتفكير والله إني وقت أجلس أفكر في أمر دنيوي إن عيني ما تذوق النوم لاكن أستغفر بمجرد ما أبتدي أستغفر إلا وأنا نعسانه حدي وأنام وأنا مرتاحه
وبالنسبه للإنتظار في المستشفيات وكمان في البنوك يطول وأنا تنفقع مرارتي لو جيت أسجل موعد أو أجدد بطاقتي ويقولون ليه النظام عطلان نجلس بالساعات ننتظرالمشكله في البنوك ماعمري شفت مطويه أو لافته مكتوب فيها إغتنم وقت الإنتظار في الإستغفار كل مطوياتهم عن السلع والتمويلات الماليه ومزايا البطاقات الإئتمانيه الطاولات مليانه والرفوف التعليق إللي بالجدران كلها مطويات تتكلم عن أمور الدنيا حتى مره قلت لزوجي نفسي أشتري مجموعة مطويات وأحطها في صالة إنتظار النساء إللي بالبنك قال لي ما أتوقع يوافقون لك تحطينها لأنه لوحطيتيها مافيه أحد عاد بيقرأ مطوياتهم ويشوف عروضهم وراح يشيلونها مابيخلونها لا كن المستشفيات سوى حكومي أو خاص فيها مطويات وفيها كتيبات وبالذات أقسام أمراض الأورام والكلى أنا شخصيا شفت داخل مستشفى القوات المسلحه عندنا مكتبه كبيره بقسم المراجعين كلها مليانه مصاحف للمراجعين
قرآن الله يجزاهم خير عندنا بالشمال في المستشفى العسكري حاطين حتى أوراق في داخل كل غرفه تبين للمريض كيفية الصلاة للي مايستطيع يصلي واقف بشر ح كامل ومفصل لفضيلة الشيخ بن عثيمين رحمة الله عليه وكمان تصير فيه محاضرات وندوات وفيه داعيات يجون للمرضى إللي منومين فيه صاله كبيره يعطون خبر للمريضات إللي منومين بالمستشفى وإللي مرافقات عيالهم المرضانين ونحضر وإللي عندها سؤال تسأل ويجاوبونها وأنا أعجبتني هاذي الميزه فيه معليش أختي ام جمانه شطحت عن موضوعك بس طاري المستشفى ذكرني بأشياء كثيره ومواقف مرة عليه والحمدالله نسأل الله أن يعيننا وإياكم على ذكره وشكره وحسن عبادته اللهم آمين .
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله