شوفي يا أختي بارك الله فيك التقرير ماينفع أنتي لحالك تروحي تفحصي وتجيبيه يمكن إنه إنسان شكاك ومثل ماشك فيك وقال لك هاذا الكلام مو بعيده يتهمك بإنك دافعه لدكتوره علشان تعطيك إياه لازم أنتي وأمك وهو وأمه تروحو معاه في سيارته وهو بنفسه يختار المستشفى والدكتوره إللي تسوي لك الفحص علشان تقطعي عليه كل سبل الشك والوسواس وشوفي أنا أقول لك ترى كل عيوب الرجل وسلبياته مقدور عليها وتقدر تصبر وتحاول إصلاح ماتستطيع إصلاحه بالنصح والتودد والمعامله الحلوه إلا الرجل الموسوس والشكاك هاذا صعب علاجه وصعب التفاهم والعيشه معاه
إذا ماقدرت توقفه عند حده من البدايه يزيد عليك وكل ماتتجنبه وتحاول تمشي الأمور معاه يقول إيوه تسوي كذا وتعاملني كذا علشان تغطي على بلاويها تحسب إني نايم عن إللي تسويه من وراي إنا أنصحك بأنك
من البدايه علميه إن كل شئ إلا الشرف والعرض دونه خطوط حمراء حتى يتعلم إن أنتي ما أنتي سهله ومستحيل تسكتي عن كلامه خليه يحس بأنه أرتكب غلطه فادحه بحقك ولاتخلينه يضحك عليك بكلمتين ورسايل ترى إن عديتيها له ترآه يتمادى وبيقول لك كلام أ كبر من كذا في المستقبل أنا ما أحرضك عليه لاكن والله إني لما قرأت كلامك حسيت بالقهر كيف الحين توكم في أول حياتكم ويقول لك مثل هاذا الكلام شوفي ترى هنا في المنتدى عندنا أخت تشتكي من زوجها عمره في الستين سنة ويشك فيها ويغار عليها جدا من بداية زواجهم والمسأله تطورة لدرجة إنه صار يقول لها كلام جارح ويمس شرفها وعرضها فإنتبهي لحياتك مع هاذا الرجل بالنسبه لأمه وأخته من ياحبيبتي بيقول لك بضاعتي فاسده ياما أمهات وأخوات قالوا عن إخوانهم محترمين ومصلين صايمين يخافون الله وما فيهم أي مرض ولافيهم أي عيب ومن أول ليله تبين عيوبه مع بنات الناس ياسكران حق شراب وحبوب ياإنه حق بنات وغزل وحركات ياإنه مريض بالفصام أو فيه مرض نفسي ياإنه إنسان مايصلي ولايخاف ربه سباب ولعان وكذاب وفيه من الوقاحه ما الله بها عليم شوفي ياحبيبتي إذا بغيت تسأل عن شخص أول شئ أسئل جيرانه وإسأل عنه إمام مسجد الحي إللي هو فيه وإسأل زملائه ومدير عمله في مقر عمله وشوف إيش يتضح لك أما أهله مستحيل يعيبوا في ولدهم إنتبهي لهاذي النقطه زين نسأل الله لك التوفيق .
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله