ههههههههههههههه
الله يسعدك يا أنفاس العطور إذا كان السياره ميته في نفسها كيف بيسوقها السواق مافيه إلا هيكلها الخارجي ولاتتعبين نفسك وتجين لها أنا أشحنها لك لمتحف الجنادريه هاذي السنه أنتي بس تابعي مهرجان الجنادريه لتراث قسم السيارات القديمه تحصلينها هناك أنتي شكلك معاك سالفة واحد من عيالي مره جت مسابقه على واحد من العصيرات المصاص المهم تجمع فيها نقاط وتستبدلهابكرت تقشط وتطلع لك جائزتك وكان من ضمنها جوال بلاك بيري وهو جمع النقاط وراح سلمها لمركز المبيعات وأعطوه كرت وقشط الكرت وطلعت جائزته جهاز لعبه بلاك بيري ولما جاء الموظف عطاه الجائزه طلعت لعبه شكلها مثل جهاز بلاك بيري بس تنشد ياطيبه ياطيبه سعرها مايتعدى خمسه ريال وأبني كان مايحب هالنوع من العصيرات بس كان يتظاهر إنه يحبه ويشتريه علشان يجمع النقاط وكلفته النقاط أشترى حول 40علبه بي 40 ريال الحبه بريال
وآخر شئ أستلم لعبه شكلها مثل جهاز بلاك بيري وتنشد ياطيبه والله إني فطست عليه من الضحك لما جابها كان معصب ووجهه لونه أحمر باقي شوي ويبكي من القهر وأنا قدسبق وحذرته إن هاذي إعلانات كلها كذب في كذب بس ما سمع كلامي وجلس البيت كله معلق عليه ياطيبه ياطيبه والحمدالله عقبها صار ماعاد يصدق أي دعاية لأي مسابقه
ومبروك يا أنفاس على التطبيق
إن شاء الله عقبال التعين الرسمي يارب وتتحقق لك كل أمانيك يارب وربنا يفتحها عليك ويرزقك بفضله من أوسع أبوابه ياكريم يارب .