السلام عليكم
جاء زوجي حطيت له الغداء وبعد الغداء طلعت الاطفال وقلت ابغى اتكلم معاك وكأنه مايبغى يتكلم معي يتجنبني
قلت له يا فلان انا تعبانه جدآ واشعر باحباط واكتئاب وتعب نفسي وعضوي
قال اعوذ بالله والسبب قلت السبب انت
قلت انا انسانه ناضجه وفاهمه ومستوعبه تصرفاتي وقراراتي
انا ابغى الطلاق
قال اذكري الله وتعوذي من ابليس
قلت لا اله الا الله
انا يا فلان تحملت وصبرت عليك بكل مافيك وقفت معك وهذا مو تفضل مني ولا منه لاااا انا احتسبت الاجر في هذا ولانك زوجي وابو اطفالي تحملت وتجملت وصبرت لعل الله يحدث بعد ذلك امرا
دخلنا شهرنا الرابع وانت في صومعتك ورافض التغيير حياتك شكوك ووساوس وامراض
ان جلست معك قمت تكلمني عن وساوسك وشوفي هذا وطالعي هذا وش تتوقعي هذا صرت لك طبيبه وزوجه وخادمه وكل شي
وماشفت منك اي بوادر تغيير
اعتقد الى هنا كفايه حرام انا بشر لحم ودم ومشاعر واحاسيس مو تحفه او كرسي عندك بالبيت
انا ايش بالنسبه لك ايش الفرق بيني وبين الخادمة بالبيت مافيه فرق ولو طلقتني هي بتقوم بدوري
انت انفصلت عني نفسيآ وعاطفيآ وجسديآ ولايربطنا سوى الاطفال وحياتهم
ارجوك انا لست مراهقه انا اتخذت قراري وابغى الطلاق
قال انا امر بظروف وكل ما اشوفك انقهر واخرج ما ادري ليه واروح اصلي وادعي لك كثير انه يمنحك القوه والصبر
انا انتظر اخرج من اللي انا فيه اصبري علي
قال عطيني فرصه
قلت عطيتك ماشفت اي تحسن قال الطلاق مو بالبساطه
تقدري تروحي عند اهلك ترتاحي كم يوم وفكري قلت انا فكرت وانتهيت و ابغى اروح لاهلي واحنا منفصلين
انت ليش ماتبي تطلقني قال انا ابغاك
قلت ارجوك انا تعبانه من كل شي ابطلعك من راسي وارتاح وانت عيش حياتك في صومعتك ووساوسك بمرضك مثل ماتحب
قال طيب عطيني فرصه
قلت خير ان شاالله بعطيك فرصه اخيره وخرجت من غرفته

يارب تصبرني وتساعدني في تجاوز ازمتي وتكتب لي الخير

__________________

لا اله الا انت سبحانك اني كنت من الظالمين