اقتباس:
المشاركة الأصلية كتبت بواسطة شيخة البنـــات
صبووورة بعد عمري أول شي حابة أعتذر منج بسبب تحوير موضوعج قبل يومين
بس صدقيني آنا ما كنت أقصد وماكنت حابة أساسا يصير هالشي ولكن هذا اللي صار
وآنا منحرجة منج جدا أتمنى بس إنج تسامحيني وتقبلين إعتذاري يالغالية
حزنت كثير على اللي صار وقت سفركم حبوبة , يعني مدري وش شقوول ولا شنو أحجي
بس بقولج شي مهم لا تدققين بكل شي ولا تحكين ف بالج كل شي وأي شي , بمعنى
زوجج على قد ما يحاول يستفزك انتي اخذيها ببروود أعصاب وهدوء , يعني احنا سبق وتكلنا ياقلبي
إن العصبية والكلام بالصوت العالي وسوء الحجي هذا ما نبيه يطلع منج صح ! وانتي الحمدلله تغيرت
عصبيتج عن قبل واااايد وخفت كثيير , ولكن لما يصير موقف معين مثل اللي تفضلتي وذكرتيه أعلاه
تثورين وما تقدرين تمسكين أعصابج << هذا مربط الفرس
انتي لازم تتعلمين وتتأقلمين تضبطين أعصابج بأي طريقة
شوفي يالغلا آنا وايد عصبية لكن الفرق اللي بيني وبينج إني لما تكون عصبيتي مع طرف سلطته أعلى مني
يعني شخص مثل عمتي أخت ابوي ( ساكنة معانا ف بيتنا و مثل اختي ) , مو مثل ما عصبيتي لما أكون مع اختي الصغيرة , ولا مثل لما يحتد النقاش مثلا بيني وبين خطيبي , يعني في فرق في الرد وفرق في الأسلووب , فهمتي ياقلبي ,, انتي لازم تضبطين أعصابج مع زوجج بالذات وتتعاملي معاه معاملة خاصة ومن نوع ثاني ,, كان الأجدر فيج لما صارخ عليج تردين عليه وتنزلين له بإبتسامة حلوووة , لما لاحظتيه طول الدرب ساكت ( ولو إنج مقهووورة حدج من تصرفه ) بعد كان الأجدر انتي تسولفين , تقولين نكت , تفرفشين , و ولو ظل بعد ساكت همن تحاولين محاولة ثانية , شفتيه بعد ساكت ومافي فايدة خلاص انتي
سويتي اللي عليج واللي قدرتي عليه , عشان بعدين لما يصير بينكم نقاش تذكريه باللي صار وبإن هو اللي رفض الكلام و زيد حدة المشكلة .
أدري بحرقة قلبج وقهرج وحرتج على تصرفاته اللي منتي عارفة لها تفسير واضح , لمكن نرجع ونقوول
انتي لازم تتحملين قدر الإمكان , انتي تحبينه و قدرج ونصيبج مكتوب لج جذي , حلو جدا إنج وعدتي نفسحج ما تتفلظي بأي لفظ سيء وصدقيني لما تكون إرادتج وعزيمتج قووية راح تقدرين تنفذين هالوعد , وعلشان ينجح هالوعد وتقدرين تنفذينه , اعتبريه وعد قاطع بينج وبين رب العالمين , إنج أبدا ما تتلفظين بأي لفظ سيء لأي شخص مو بس زوجج يعني مهما كان الأمر ومهما كان الموضووع , و حالي وقوي عزيمتج وإرادتج وصدقيني بإذن واحد أحد راح تقدرين تتخلصين من هالشغلة وترتاحين , وآنا والاخوات عارفين إنج منتي جذي بالعكس انتي طيووبة وحبووبة وقلبج مافي على حنانه وطيبته ونقاوته , وبدليل
حب الجميع هني لج وخوفهم عليج وحرصهم على مصلحتج كل هذا من حبهم لج , وما حبوج كل هالحب إلا بسبب طيبج ونيتج الصافية ياعمري عسى ربي يحفظج ويخليج لكل أحبابج << وانتي تقرين قولي آمين
إي وعلى طاري ضرتج الحمدلله شي حلوو إنكم تصافيتوا وتكلمتوا , و هي لما تشوف طيبتج وقلبج النظيف راح تحبج وايد وترتاح لج كثييير وبإذن الله راح تخلص كل هالمشاكل ياحبيبتي , وعارفة إنج لا يمكن تخذلينها أبد لانج اصلج طيب ياحياتي , إن شاء الله تكوونوا على أتم وأحسن حال على طوول , بس بعد ما أنصحج ياقلبي بكثر الزيارات تجبنا لأي طاريء لا سمح الله , و صدقيني هي راح تكسبينها وتكوونوا مع بعض في أحسن حال يااااااااااااااارب
حبووبة مضطرة أقووم رغم إني ما كملت كلامي , مدري ليش وياج الكلام برووحه يطلع ما يوووقف من كثر حبج بقلبي ياعمري , بس لأن خطيبي جايني اليووووم لذلك لازم اقووم أجهز قبل لا يجي
أنتظر منج تفاصيل زيارتج لضرتج وإن شاء الله كل شي يكووون على خير
أحبــــــــج وسامحيني ياعمري |
على ايش اسامحك ياعمري مدري شنو السالفة
ياشيخة انتي تاج على راسي ولا تقولي اسامحك ولا شى ترى بزعل عليك ياعمري
انا ذهني مشتت ولا اعرف وش صار باي شى
انا مسافرة ثلاثاء الفجر ياعمري بروح لاهلي
بالنسية للعصبية بحاول اضبط نفسي والله يكتب الي فيه الخير
ماقصرتي ياشيخة ياعمري انتي الي سامحيني تعبتك معي بالغلا
__________________
اعضاء المنتدى جمعني الله بكم بالجنة