اعتقد انه اللي تمري فيه طبيعي

لانه كل شي حصل بسرعة .. ما استوعبتي فيها شي



بعكس لو كنتي انخطبتي فترة و اتعرفتي عليه .. كنتي اكييد بتحبيه

و تتمني اليوم اللي تكوني فيه ببيته



لكن السرعة اثرت عليك .. زي الي خبطوه على راسه و متوقعين منه على طول يصحى

و يكمل اشغاله و اموره و هو يكون بحاجة لفترة يستوعب فيها اللي حصل



برايي حبيبتي استني على نفسك .. لا تطلبي الانفصال لسه بدري

اجلسي معاه و اتكلمي معاه بلين .. وقولي له انا تمنيت زي كل بنت امر بفترة خطوبة و ارتباط و رومانسيات

و كدا .. لكن كل شي حصل بسرعة بسرعة و حاسة اني انحرمت من هذه الفترة الحلوة

ايش رايك لو تحقق لي امنيتي و تخلينا نتعرف على بعض فترة حتى لو شهر

اتفقي معاه لو ممكن تروحي بيت اهلك و يكون بينكم تواصل داائم بالتلفون و المسن



لو مو قادرة تطبقي هذا الشي .. عادي مو مشكلة .... حاولي انتي مع نفسك تتعرفي عليه

لاتنظري له على انه زوج و مفروض عليك .. ياختي اعتبريه صديق و تتعرفي عليه

لا ترسلي لنفسك رسايل سلبية .. انا ماحبه . ماراح احبه . انفر منه .. لان هذه الفكر بتتاصل فيك

و انما قولي لنفسك لساتني ما اتعودت عليه .. حبة حبة بعرفه و احبه



روحي لمكة و ادعي رب العالمين بقلب خاااااشع انه يحببك في زوجك

و صراحة اختلف مع الاخوات في موضوع الانجاب .. اجليه شوي

لغاية ما تستقر امورك .... اخاف مع الحمل تزيد حالة النفور عندك و يحصل مالايحمد عقباه

انتي بحاجة انك تجلسي مع نفسك و تفكري و تحلي امورك بعقل و ذهن صافي بعييدا

عن تعب الحمل و الوحم



ربي يوفقك و يسعدك مع زوجك

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله