اقتباس:
المشاركة الأصلية كتبت بواسطة forgiveme
والنصح والموعظة ...ماعمـــــــــري نصحتة (هو كبير مو صغير وعارف ان اللي يسوية خطاء بس للاسف التربية لها دور)
جربت مرة الطريقة الغير مباشرة انفهمت خطاء وانقلبت الاية علي(|ودائما اطلع انا الغلطانة وهو الصح)
انا متسااااامحة معة لابعد حد(وهذي غلطتي) ويمكن فهم الشئ هذا ضعف مني...
وانا والله مو ضعيفة ..بس اللي صار لي شل عقلي عن التفكير وصرت قليلة حيلة...
بغض النظر للحالة اللي وصلت لها حاليا...(سكووووت, وسرحان دائم, واكتئاب ,ومزاج سئ,وصرت مااحب الاجتماعات لاني ماقدر اجامل الموجودين)
ومن ناحية اني افكر اتكلم معة....صرت ماافضل اتكلم معة لاني مليت من المبررات اللي اشك بمصداقيتها...وكلة يكون نقاش عقيييم...انهية بقولة(تراي سامحتك)....وانا والله غضباااانة علية...
لانة سبب لي الم بيلازمني طووول عمري(اللي خدعني زوجي هذا اللي اهلكني )
مع العلم اني ماادخل احد للمشكلة...مو خوف لاوالله...بس ابي اعطية فرصة يتغير من نفسة...
بس ماادري الى متى؟؟؟
|
إختي اسمحي لي لو قسيت عليك لكن والله من صالحك ما ابي اجاملك وحط اللوم على زوجك فقط لأن هذي نصيحه.
وراح اقول ان حتى لو كان الغلط من زوجك لكن انتي تشاركينه في غلطه شئتي أم أبيتي لأنك ماعمرك قدمتي له نصيحه؟!؟
إختي عمر الإنسان ماهو دليل على نضجه الفكري أو العقلي أو حتى على قوة الوازع الديني عنده! حتى لو كان أكبر منك ب 10 سنوات يكمن انتي انضج منه فكرياً وأكثر قوه وصلابه في إيمانك اللي ينهاك عن اشياء مُحرمه!
النصيحه اختي الكريمه ماهي إلا جُرعات إيمانيه تزيد من إيمان الشخص وتوجيهه لكن لاتتوقعي ان نصيحه وحده او جلسة نقاش وحده راح تكفي! لا بل التكرار ودائماً اعرفي ان الأمر الناهي عن المحرمات هو إيمان الشخص وحنا نعرف ان الإيمان يزيد بالطاعه وينقص بالمعصيه! وانتي بنصايحك راح تزيدي من الجرعات الإيمانيه عنده وراح اشبهها مع فارق الشبه بالتطعيمات الطبيه المجدوله للإنسان فاللي مايخذها بوقتها ويهملها بيكون أكثر عُرضه للأمراض من الإنسان اللي محافظ عليها!
انتي اخطأتي بحكمك على انه كبير ومو محتاج نصيحه وأيضاً اخطأتي عندما قلتي "مليت" لاتخلي لليأس باب عليك وتماماً ايضاً اخطأتي بتقديرك للنقاش انه عقيم! يمكن بالنسبه لك لكن اخذيها مني نقاشك مو عقيم حتى لو ما اظهر اي تأثير. بينه وبين نفسه وهو طالع ونازل وراكب في السياره بيفكر فيه حتى وان لم يتبين لك الأمر. ان وقفتي فهي خسارتك وان استمريتي بحدود النصح والنقاش باللباقه من دون استخدام "انت" وصيغة الأوامر والإتهامات المباشره فراح يفكر ليش هي دائماً كذا! معقوله انا ذنبي كبير وغلطان لهالدرجه؟ اختي هو يدري انه غلطان لكن الإستمرار بالمعصيه يميت الإستشعار "بعظمة" الذنب المُقترف وتذكيرك ونصحك يجعله يدرك ذلك
تمنياتي لك بالتوفيق
أخوك سيف
التعديل الأخير تم بواسطة Saif_KSA ; 04-03-2011 الساعة 06:20 PM