باااااااك 
رجعت لج حبوووبة << وآنا أقدر ما أرجع
مسألة السفر هذي آنا مع الأخوات فيها
موب بين كل فترة وفترة وبسبب أي شي يصير تسافرين
هذا الشي ترى يؤثر بعد ف مدى علاقتكم
انتي ما لازم بين كل فينة تسافرين لأهلج
و ولو حبيتي تطلي وتسلمي عليهم مثلا
خليها اسبووع بس
أما أكثر ما أعتقد إن هالشي زين
انتي لازم تلتزمين بحياتج معاه أكثر
تحسسينه إنج زوجته فعلا مثل زوجته الأولى
بغض النظر عن مسألة البيت والإستقرار لو ما كان متوافر سكنيا
انتي وفريه عاطفيا ونفسيا و روحيا
بمعنى الإستقرار مهم أكيد في ظل وجود بيت وسكن ملائم وثابت
ولكن بسبب الظروف وكل الأمور اللي تجري عندكم ومسؤولياته الكثيرة والأسباب الأخرى
انتي حاولي تعووضين هذا الإستقرار بنوع آخر
الحب , الرومانسية , التفنن بالحركات , المفاجآت وغيرهااااا
ولا يهمج انه لما يشووف كل هذا ما يعلق ولا يرفع من معنوياتج ولا يقوول رايه
انتي عرفتي نوعه الحين وعرفتي ان هو من الرجال اللي تكتفي بتعبيرها الداخلي
وما تجيد التعبير اللفظي
يكفي إنج واثقة من نفسج بدرجة كبيييييييرة << قلت من قبل قمووورة وتهبلين
حاولي قدرالإمكان تفكري ف أشيا تفرفرش وتنتعش علاقتكم أكثر
شنو أكثر الأشيا اللي هو يحبها ؟؟؟
شنو أكثر الأشيا اللي هو يحب يتابعها ؟؟
شلووون بالضبط يحبج تكونين ؟؟
يعني حاولي تجددين حياتكم وعلاقتكم كل مرة بشي مختلف
وتغضين النظر عن باقي المنغصات الأخرى
سواء من طرف زوجته الأولى أو من طرف أهله أو من طرفه هو حتى
لما هو يشووفج جذي قوية ثابتة مبتسمة دايم وغاضة النظر عن كل شي
وما يهزج أي شي
صدقيني هو نفسه تلقائيا راح يحسج صرتي غير
وما عدتي مثل قبل
وهو بنفسه راح ينصدم بتغيرج الكبييير
وراح تلمسين الفرق بحياتج معاه من وايد نواااحي وأطراف
عارفة إن هالشي يقهررر وأحيانا انتي ما تقدرين تكبحين جماح غضبج وقهرج
ولكــن دايما وقت لما بتيين تعصبين فكرررري
آنا لو عصبت شنو بيصير عقب
بيصير لي مشكلة والمشكلة بتكبر ويمكن يصير شي آنا ما أبيه يصير
بتشووفين رووحج على طوول تهدين شووي
أو بمجرد تعصبين على طوول عدي من 1 إلى 10
يعني حاولي تشيلين النرفزة والعصبية بأي طريقة كانت
وبتتغلبين عليهااا صدقيني
زوجج يحبج ويهوواج بس طريقته للتعبير عن هالحب صعبة
وتختلف اختلاف كلي عن طريقتج وهذا جزء من المشكلة
انتي كنتي حاطة ف بالج من زماااان
رجل بكل ما للكلمة من معنى
غيوور جدا , عاااااشق جدا ,, محب جدا ,, متدين وملتزم ,, حنووون جدا ,, عاطفي جدا ,,
والأهم مهتم بك جــدا
ولكن شاءت الأقدار والظروف والنصيب جذي
ولكن زووجج بعد فيه وايد صفات حلووة ومميزة
وانتي ما حبيتيه وتعلقتي فيه من فراغ
صحيح ظروف حياتج السابقة والمعاناة اللي عشتيها
أثرت وايد ف حياتج الحين وما زالت تؤثر
وانتي تقولين ف بالج
آنا مو طالبة شي صعب وكبير
طالبة حب وعشق واهتمام وتضحية وشووية تنازل
وهذول الأشيا مب صعبة
بس زوجج ياعمري إنسان ملتزم بووايد أموور
ودايما يحاتي ترى المستقبل ويفكر
فلازم نعذره شوووي
مدري أحس هذا اللي طلع عندي الحين من حجي
اعذريني يالغاااالية
أتمنى اكووون خففت عنج و لو بقليل
ادعي لج دايما وأبدا
وإن شاء الله ربي يجعل لج بكل خطووة سلام
ويوفقج ويحفظج ويرعاج وين ما ترووحين
أحبـــــــج
__________________
"إخوان سنـة وشيعـة هذا الوطن ما نبيعـه ,, خذ هالشعار و ذيعه و تذووب الطائفيـة"
( منصووووووووووووورين والناصـر الله )