الله يجزاك خير على ماقدمت ونعم صدقت في كلامك ولاكني أتوقع إن الزوجه بعد ماتجيب عيال راح تستقر وتجلس في بيتها لأنه يكون لديها مسؤليات ومدارس ومذاكرات عيالها وشغل بيتها وماراح تفضى لزيارة أهلها إلا نهاية الأسبوع
وقت الإجازه وأحيانا تكون زياره على السريع لأنه العيال إزعاج وحنه ورنه وما أحد راح يتحمل شقاوتهم في بيته إلا فيما ندر أ كيد مايصلح لهم إلا بيت أبوهم ياخذوا راحتهم فيه ويمارسوا هواياتهم وكمان الأم تاخذ راحتها في بيت أهلها إذا كانت لحالها أما إذا كان عندها عيال وتروح بيت أهلها بالذات لو ماعندها أخوات يساعدونها فمعصي ترتاح والله غير يشيب رأسها من عيالها وحوستهم تلقاهم بكل غرفه بالبيت حب إستطلاع وكلنا نعرف الأطفال وش كثر يحبون الإكتشافات بالذات إذا كان بيت غير بيتهم
علشان كذا الزوجه تضب عيالها وتجلس في بيتها وتلتزم في واجباتها لاكن البلا والمصيبه الزو ج إذا تعود على الهياته في الإستراحات والعزب والكازينوهات مع أصحابه من بداية حياته الزوجيه فمستحيل يترك هاذا الأسلوب ولا يغيره
خلاص يصير جدوله كذا سوى كان شاب أو شايب ماراح يتغير
ولا راح يترك الشئ إللي متعود عليه حتى لوزوجته عندها ولاده
أتصلت عليه قالت له تعال وهو عند أصحابه هاذا طبعا إذا ماكان مقفل جواله وإلا حاطه صامت يقول لها دقي على أخوك أو أي أحد يوديك المستشفى أنا ماني فاضي لك الحين ويمشي على هاذ ا الموال طول حياته ماراح يتغير ولاراح يحس بأن على عاتقه مسؤلية بيت وزوجه وعيال هم بحاجة قربه منهم للإهتمام فيهم وتفقد أحوالهم .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله