اوعدك يابعد هالدنيا بطبق كل الي قلتي عليه
وعد ياروحي
همس كلامك مرة ريحني وذوقك غلبت علي ورققت قلبي
اسال الله ان يبارك لك في حملك ويسعدك في الدارين
انا احبه ياهمس لا انكر ذالك واحبه حب مجنون بعد صدقيني ودي احمل بس عشان افرق حبي لعيالي واخف عنه شوي لاني ثقلته بمشاعري الي تفيض بكل يوم
انا عشت محرومة من الحنان ياهمس شوفي اقولك هالكلام والدمعة تنزف
كله بسبب والدي الله يرحمه الاب غايب والام سيدة اعمال المال متوفر ولكن الحب والحنان والاحتواء غايب
من بديت اعي على الدنيا وانا ادور حضن يلملم شتاتي كنت ارسم رجل احلامي في خيالي
وكنت ابحث عن الدين لاجل احس بالامان وهذا ماركزت عليه كثير
اول زواجي عادي تقليدي لا حب ولا شي ولكني تزوجت لمجرد اني اكون اسرة واعيش زي الناس
بس طلع عقيم وضيع لي سنوات من عمري
بعد طلاقي من الاول كنت ادور اتزوج بس عشان هدف الخلفة وتقدم لي الكثير ولكني كنت ابغى اب عيالي من ارض الحرمين وجا هذا زوجي صاحب النصيب
لم احبه في البداية ولكني كنت مرتاحة لما كان يقدمه لي من اهتمام واحتواء وكل شئ
تخيلي اول انا كنت اقوله روح لاهلك وطلعهم وكل شي لان قلبي كان خالي من الغيرة والحب
حبيته حبة حبة ومع الوقت والمواقف وبالتدريج لين ماكبر حبه بقلبي وتربع على عرشه
بعد الحب ياهمس صرت اتمناه لي لوحدي وصار طمع قلبي يزيد ويطلب الاكثر والاكثر
انا حساسة جدا ياهمس تخيلي اذا ماباسني الصباح وهو طالع للدوام اتعب طول اليوم
اذا ماحضني وقت النوم يتكدر حالي لدرجة ان دمعتي ممكن تنزل
اذا مامسك يدي بالسيارة او بالسوق اتعب
زوجي بطبعه مو رومنسي ولا اضن انه يتعرف بهالحركات وانا رومنسية وحساسة حيل
يعني مثلا احيانا احب اطالع بعيونه وابيه يتغزل بعيوني ويحاورني بلغة العيون
اشياء كثيرة احلم فيها معه ولكن اصبت بالاحباط لان ربما احلامي كانت صعبة عليه وماطلبه انا هو ماهو متعود ولا معترف فيه
هو يغار علي ويحبني بس يخفي غيرته عني وهذا الي يتعبني احيانا
اليوم مثلا قلت له بطلع السوق ودني قال شوفي انا اغار عليك ولا ابيك تروحي السوق وحدك
قلت انا بلبس عبايا عالراس وقفزات وترى ماحد يملي عيني غيرك
المهم اسعدتني كلمة اغار عليك ودخلت على قلبي السرورو
حاولت ابين لزوجي هالاشياء يطبقها معي فترة ويقطع فترة واتعب
بالنسبة لسفري ياهمس انا الان بشقة مفرووشة والايجار بجده غالي كما تعلمين
ولحد الان مادورنا شقة مناسبة اقدر ارتاح فيها مو اجلس فترة واقوله مابي البيت يعني ابغى اكون مقتنعة
واتفقنا بعد رمضان نستقر على طول بحيث تكون جلساني معه بالسعودية اطول فترة
بالسنية لاشغالي انا مالي اخ اعتمد عليه يعني انا البكر واختي اصغر مني ولا يعتمد عليها
واضطر اني اروح لبدي واشتغل شوي مع امي عشان اجمع فلوس واقدر اصرف واشتري الي ابيه
وفي نفس الوقت اقول اذا حملت اشتري بيت بالسعودية واحطه على اسم ولدي واستقر وارتاح
زوجي عنده مصاريف كثيرة في البيت الاول من اولاد واخوان ومسؤوليات ولا احب ثقل عليه ولا احب احرجه ويوم يكون عنده والله مايقصر معي
بس اقول مع نفسي دامني اقدر اشيل نفسي ليش اثقل حمله..وكل هذا ياهمس عشان تمشي بينا سفينة الحياة
حتى الاكل اطلب من برى زي ماقلت لك شقة مفروشة مافي لا طبخ ولا شيء وكله مصاريف وطلعاتي السوق وجياتي وفي نفس الوقت اذا رحت السوق وعجبني شىء اشتري وعشان يشوفني في تجديد مستمر
والله قمصان النوم الي البسها له هالفترة ماعاد يشوفها علي فترة اخرى
احب امتعه وامتع نفسي وكل هذا يباله مصاريف والمشكلة تعودت على مود معين في حياتي من لبس مركات ومكياج وعطورات وشنط صعب انزل على هالمستوى ولا اشتري وخاصا واني متزوجة
غير مصاريف المشغل كل اسبوع والي الخ...
الحياة صعبة وماعاد شي يكفي بهالوقت ياهمس..وضغوطات تضغطني احيانا واحس اني ثقلت بكل شي
وهذه هي حياتي ياهمس سردتها لك واكيد فهمتي كل شي ياروحي
اسعدت كثير بمشاركتك وكلامك لي يالغالية واسال الله ان يكتب لك كل حرف بحسنة ويسترها معك دنيا واخرة
احبك في الله

__________________