abo marym
ممتنه جدا لمرورك الكريم ونصحك لي
بالنسبه لزوجي انا ماقلت انو على دين قلت التزام يعني من محافظة على الصلاة في وقتها في المسجد ومن صوم ومن عدم سماع الأغاني ومافي تتدخين وغيرها من الأشياء الأساسية لكن تعمق في الدين زي كذا لا !
انا حتى برغم عائلتي المحافظه الملتزمه ماكنت اعرف انو لا يجوز انو يخلو فيني !!
لسه بس عرفت من ردك بصراحه !
وكيف اهلي مانبهوني لكذا ! كيف خلونا نخرج سوا ونروح ونجي وهو مايجوز !
عموما ردك خوفني اكثر وخلاني أفكر اكثر أني أحاول اكون جريئه معاه وارفض اخرج معاه لأي سبب
شكرا جزيلا لنصحك
والف شكر لك على اسم الكتاب
عن جد كنت محتاجه لأي كتاب عن كذا لأي كاتب مسلم
ربي يجعلو في ميزان حسناتك
وبالنسبه لعمري مو عارفه جد هو فعلا مو مناسب للزواج !
برغم ان كل اللي حولي من اهلي واقاربي وصديقاتي يقولوا دايما عني انو عقلي اكبر من سني بمراحل !
مو مدح في نفسي اقول كذا بس كل اللي يعرفني يقول كذا
وانا حتى لما اجي اقارن نفسي مع بعض اللي هم اكبر مني في السن واشوف صغر عقلياتهم وتفكيرهم المحدود احمد ربي انو انعم علي بهذي النعمه اللي ماكنت احس فيها
والأهم كبر العقل مو كبر العمر مو !
آسفه جدا طولت في الحكي والمفروض مايصير كذا
شكرا لك مره ثانيه
الله يحفظك