سلمت يداك أخي البليغ وزادك الله حكمة وبلاغه بصراحه أنت مواضيعك رائعه وردودك على الأعضاء تتصف بالحكمه والعقلانية وأتوقع بإذن الله إنه سيأتي لك يوم وتنظم لقسم الإستشارات وهاذا إحساس عندي والله وحده أعلم ولو حصل فأنت شخص تستحق ذلك بلا مبالغه وكفاية طلبات بعض أصحاب المشاكل يطلبون رأيك ووجهة نظرك في مشاكلهم وأنا أعتبرك مكسب كبير للمنتدى وبالذات لهاذا القسم ونسأل الله أن يوفقك لما فيه الخير والصلاح وأن يجزاك خير الجزاء على ماتقدم من حلول وأراء فيها الصلح والنفع لإخوانك في هاذا المنتدى
بالنسبه لردود المتشنجه نعم صدقت يا أخي و إخواني وأخواتي الأفاضل ماقصروا بالمشاركات بس بصراحه أنا أشوف بعض الردود
بالذات على بعض المشاكل التي تكتبها الزوجه الثانيه بعض البنات ترد عليها وبكل أسف وكأنها هيه ضرتها تجريح وتشمت و كأنها هاذي الزوجه الثانيه مرتكبه غلطه طيب هاذا نصيبها ومن حقها تتزوج ومن حقها تعيش حياتها وهاذي إنسانه مثلك لها إحساس ومشاعرولها غريزه ولها نفس تكون أم وتشوف عيالها ماكفاية إللي هي تشوفه من ضيم وقهر من ضرتها ومن زوجها تدخل هنا شاكيه باكيه تدور حل يقومون البعض بسلخها سلخ وكأنها مجرمه ليش هالقسوه وبعض الزوجات تنصب نفسها محامية عن الزوجه الأولى وكثيرا ما أشوف هالعبارات مثل هاذي نهاية إللي تاخذ معدد وتستاهلين ليش أخذتي معدد ومن قال لك تزوجي معدد ليه إنعدموا الرجال مالاقيتي إلا متزو ج تاخذينه وأنتي كنتي فاكره ومتخيله إنه بيتخلى عن زوجته الأولى لو أخذك وحسبتي إنك بتكوني الكل بالكل والقائمه تطول بعبارات ليس لها أي داعي وأنا أشوف مواضيع التعدد والخيانات والزوجات الثانيات دائما فيها تجريح من البعض بس الحمدالله هم قله قليله إن شاء الله تعالى ولاننسى إن هناك أناس يطرحون مشاكلهم وهم في قمة اليأس والإحباط وعندهم مشاكل نفسيه من الظروف إللي يمرون فيها أحيانا الزوجه تكون مظلومه أو عندها مرض الشك والوسواس والغيره وأحيانا تكون هاذي المعناة عند الرجل فلازم منا نراعي الوضع النفسي عند الإنسان هاذا إللي داخل يبغى الحل لمشكلته وإذا ماكان عندك حل أو رأي سديد
أقل شئ قول له قول طيب وحسن وإدعي له دعوه صالحه
تنفعه وأرفع معنوياته وإعطيه أمل في إنصلاح حياته بدل إحباط معنوياته وتجريحه ويترك مشكلته الأساسيه ويتجه لنزاعات والمناوشات مع بعض الأعضاء ويطلعونه عن طوره وفي النهاية يتلفظ بردود ماهي حلوه وكلمات غير لائقه وبعدها يتهموه بأن أخلاقه سيئه مدام إن هاذي ردوده وتعامله مع الأعضاء طيب من أوصله لهاذا الأسلوب في الردود غير المشاركات المستفزه له والجارحه لشخصه وإلقاء اللوم عليه بطريقه تهكميه وسخرية فحينها بلغ السيل الزبى لايستطيع ضبط أعصابه وينفلت علا أصحاب الردود القاسيه والتي تجر ح شعوره ونفسيته الإنسان مايطرح مشكلته في المنتدى إلا يبغى يشوف رأي محايد وصادق وصريح من وجهة نظر أناس أخرى أحيانا الإنسان تكون آراء الناس مرآة له في حياته بالذات إذا كان يمر في ظروف صعبه لأن رأيك أنت المشارك غير رأي صاحب المشكله لأنك تنظر لها من عدة زوايا تختلف وبناء على ماتنظر له ستقدم حلول ونصائح كانت غائبه عن ذهن صاحب المشكله وتقول وجهات نظر كان صاحب المشكلة لايراها بسبب تفاقم وضعه النفسي
والضغط إللي يواجهه في حياته من مشكلته إللي طرحها ويصير مثل الغريق إللي يتعلق بقشه
فيجب علينا مخافة الله في مانقوله فإنا سنحاسب بكل كلمه تنطقها ألسنتنا في الكلام وتوجيه النصح بالحسنى لمن طلب النصيحه مناوالسائل وطالب النصيحه إنسان بشر مثله مثلك أنت ياالناصح هل ترضى أحد يذلك بكلمه أو يقل أدبه في حقك أو يتلفظ عليك بقول يجرحك ويجر ح كرامتك بين الأعضاء هاذا غير المشاحنات والتشنجات بين الأعضاء في الردود على بعض المواضيع تجدهم يتطاولون على بعض في مابينهم وينسون وجود صاحب المشكله إللي كاتبها بدون عذر ولا كرامه ولاتقدير و إحترام لصاحب الموضوع و تصير هوشه بسبب عدم تقبل عضو من الأعضاء لرأي عضو آخر أحيانا العضو يكتب رد نابع من عواطفه ومشاعره الشخصيه وأحيانا يكتب رده و تكون عنده ظروف أو مرة عليه ظروف مشابهه وتنعكس ردة فعله في ردوده
وأحيانا يكون هو طبع في الإنسان يكون جلف في طبائعه وقاسي في ردوده يعني هاذا أسلوبه في حياته وتعامله مع الناس فيكتب بهاذي الطريقه القاسيه والجافه على جميع
مشاكل الأعضاء يرد بنفس الأسلوب على كل مشكله .
أخي البليغ أطلت عليك في ردي
وأعتذر عن الإطاله وأتمنى إني ما أ كون من هاذي النوعية إللي ذكرتها في موضوعك أسأل الله التوفيق والسداد والصلاح لجميع إخواني وأخواتي في المنتدى .
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله