الله يسعدك يا موهبة

زوجك يذكرني بابي ... يقولك ناقشيني لكن انحازي لرايي >>>>عاد مايسموه نقاش اذا كان كدا

و صدقييني من خلال خبراتي بالوااالد اي نقاش تدخلي فيه معاه و تضاديه بالراي انتي لخسرانة
لانه في اوقات الحدة بتطلع منه الفااااظ غصبا عنه تندمي عليها و يندم عليها هو فيما بعد لما ينسى و يهدأ

ايش الحل ...
اتبعي حلولنا انا و امي و اخواني ..
اذا ناقشت ابي على اي موضوع .. ابدا معاه عادي و اذا استشعرت من كلامه انه بدا يغضب
او على وشك .. اقوله .. برضو وجهة نظر .. صح كلامك ممكن يكون كدا و كدا و ارجع اكرر كلامه
و منطقه .. فايفرح و يهدا و خلاص .. و ساعتها ارمي جملة من عندي و اقوله ولو اني كنت اعتقد انه كدا و كدا
وكدا (اقولي اللي بخاطري بشكل سرريع و موجز جدا ) و اغير الموضوع .. يالله ايش علينا
خلينا من هالموضوع .. اجيب لك شاهي ... اقلب الموضوع ... فا اكون عارفة انه جملتي الاخيرة
عالقة براسه و يفكر فيها و بنفس الوقت ماراح يرجع يناقش بما اني قفلت الموضوع منعا لوجع الراس

اما اذا اتخذتي اسلوب المواجهة و الكلمة بالكلمة و الراي بالراي و الحجة بالحجة .. فاصدقييني انتي الخسرانة
ماااراح ابدا يقتنع ولو جبتي له الادلة الداامغة لانهم اصلا يرفضوا الاعتراف بالخطا حتى لو من جواته عاارف انه غلطاان
فا يرجع يتخذ مبدأ افضل وسيلة للدفاع و يهااجم باي كلام يطلع برااسه و احيانا يكون كلام جااااارح ...

تجنبي المواجهات و النقاشات معاه ... او اتبعي الاسلوب اللي قلت لك عليه بالبداية
و الله يسعدك حبيبتي

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله