1- أركد وأنا أخوك ترى العجلة شينة....

2- رسالة الشكر خلها إلى ليلة الزواج أو الملكة بعد كتب الكتاب تحب على راس عمك وتقوله الكلمتيين هذي,,,
ماتدري يمكن مايتم زواجك لاسمح الله وتتحسف على الرسالة...

3- أنا مستغرب كيف تمت الخطبة بدون شوفه شرعية , ليش ماتكلم أبوها أو عمها وقت الخطبة و طلبوا الشوفة الشرعية..

4- ردك على عمها ماكان مرضي والرجال شكله مابغى يحرجك لأنه واضح أنهم يبون البنت تشوفك.. أنا ما ألومك لأنه المفروض أنهم كانوا خففوا شوي من المجاملة الزايدة وطلبوا الشوفة الشرعية وقت الخطبة والشيء الثاني المفروض أنهم نسقوا مع أبوك أو عمك..

5- يفضل ان الوالد يكلم أبوها عن الموعد للشوفة الشرعية بأسرع وقت ممكن؟؟ ولو يكون الموعد بعد صلاة العصر يكون أفضل؟؟ تعرف وقت الشوفة الشرعية يكونو أصحاب البيت مشغوليين ولاهم فاضيين للعزايم والطبخ..

6- تأكد من الأهل وعاداتكم ,لأن بعض المجتمعات لازم تعطي البنت مبلغ مالي كسلام ,,,

7- نصيحة حاول ان الفترة بين الملكة والزواج تكون قصيره وبنفس الوقت المكالمات تكون قليلة جدا او بلاش منها . أنا عارف أنك بتقول انه فترة الملكة من أجمل أيام حياتنا كيف تقول بلاش مكالمات. أقولك من واقع تجربة وأغلب الي أعرفهم أنه أغلبهم تصير بينهم مشاكل كبيرة بسبة المكالمات ( شيك على مواضيع المنتدى وراح تعرف قصدي )..

دمت بود