والحرمه هاذي مالقت إلا أنتي تطلب منها تدور زوجه لرجل هي ماعندها عيون تناظر فيها البنات ثم يعني هاذا الرجل لو يبي يعرس ماعنده لسان يخطب لنفسه وبعدين هي وش دخلها بين زوجين عسامايحترقون وش لهاتدخل بينهم ياشين بعض القافه الحين هو زوجته بينهم مشاكل بدل ما تدور حلول لمشا كلهم تبي تزيد النار حطب
الحين هي عارفه وش نوع الخلافات إللي بينهم وأنتي ماقصرتي كان من الأولى إنك تنصحينها وتقولي لهامالي دخل
خليهم يتزاعلون ويتراضون مالنا شغل فيهم وأنتي إنتبهي على نفسك من هاذي الحرمه ولا تعطينها شئ عن حياتك تراها باكر لودرت بشئ عن حياتكم لقدر الله وفيه مشاكل ترجع تدور لزوجك أنتي حرمه ترى هالنوعيات من النسوان مالهم أمان ومدري عن الحرمه هاذي بتزو ج الرجل بالثانية وخير إن شاء الله الثانية بتجي معلقة شهادة حسن السيرة والسلوك برقبتها يعني خالية من العيوب ولسانها يقطر عسل وفرضا إن الخلل في الزو ج بس صلة القرابه عمت عينها عن عيوبه وماشافت إلا عيوب زوجته أنتي أنتبهي تراك غلطتي ولاعاد تطاوعينها هاذي الحرمه إذا جتك إنصحيهاوقولي لها هاذا غلط إللي قاعده تسويه وقولي لها كما تدين تدان وتنتبه لبيتها وتترك الناس في حالها وأبتعدي عنها وروحي لزوجك وأعتذري منه وفهميه إنك ماراح تدخلي بحياة أحد مرة ثانيه أبد .
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله