المشاركة الأصلية كتبت بواسطة bint Q8

هلا الغالية .... قريت رسالتك و انا حاسة انك انسانة صبورة و عاقلة و قريبة من ربها ... شوفي اختي انتي تقدرين تخربين الدنيا عليه و تنكدين عليه و تورينه اعين الحمره ... بس شنو تستفيدين؟ هل برايك راح يهتدي؟ هل برايك راح يغير من طبعه؟ صدقيني الهدايه من الله و انتي ما تقدرين تغيرينه
مادام هو طيب معاج و مع عيالج و ما يقصر معاج (سواء عاطفيا او جنسيا او ماديا) و لا يقصر مع عياله فنصيحتي لج استمري علي نفس منهجج فنعم العقل: انتي تقولين عايشه حياتج و مستانسه و في البيت في فرح و سرور و وناسه و هذا اهم شي ... عيالج مو لازم يتاثرون و لا ينظلمون في الوسط و انتي مثل ما قلتي لما خذيتي عيالج و رحتي بيت اهلج هم كانو زعلانين ... يعني ريلج زين وياهم
صدقيني يالغالية ما في ريال من غير عيب و عيب ريلج الخيانة ... ادعي له بالهداية بس لا تخربين حياتج بايدج
مجرد ملاحظه:
ام زوج وحده من خواتي عاشت نفس معاناتج و ريلها كان زين وياها و يحبها بس يخونها ... هي تحملت و ربت عيالها و تعبت لهم ... الحين ماشالله لها عيالها اللي يرفعون راسها و دوم يذكرون امهم بالخير و انها لولاها و لولا صبرها ما كانت حيتهم بتمشي عدل .. اصبري اختي و ربنا بيعطيج المكافاء في عيالج ان شالله
تحياتي و دعواتي لج حبيبتي