الله يعينك يا أختي أنا بصراحه أشوف إن كل خيانات زوجك من البداية والأساس سببها تقصير ك بحقه الشرعي من بداية حياتكم وبعد أول خيانة له أعجبه هاذا الطريق وأستمر فيه لأنه وجد ماتشتهيه نفسه مع هاؤلاء الساقطات وأستمتع معاهم بالشئ إللي يحبه لأنه ماوجده عندك بسبب جهلك في هاذي الأمور وأنتي ماثقفتي نفسك من هاذي الناحية وأشبعتي غريزته فلما حس فيك بعدم رغبتك فيه ونفورك منه راح يدورها عند غيرك وترى أ كثر الخيانات الزوجية سببها تقصير الزوجه مع زوجها في الفراش وأنا أجزم على ذلك لأن الزوج إذا عاشر زوجته وأشبعته جنسيا وعاطفيا فمستحيل ينظر لإمرأة غيرها مهما كان حتى لو ناظر بتكون نظرات عابره مثل الإنسان الشابع ينظر إلى الوجبه وليس لها في معدته متسع طيب يا أختي أنتي نفرتي من زوجك لعدم إهتمامه بنفسه ليش ما أهتميتي أنتي فيه ليش مانصحتيه وليش ماصارحتيه من أول مره كشفتي خيانته فيها
وأنا بصراحه معجبه جدا بصراحتك وتحملك نص المسؤلية وإعترافك بتقصيرك في حق زوجك وأنا بقول لك شئ ترى الزوج يتغاضى عن كل تقصير بحقه ماعاد التقصير
بالحق الشرعي لأنه هاذا منبع سعادته وراحته النفسية ولولا هاذي الغريزه الموجوده بالرجل لما تزو ج معظم الرجال
وأنتي الحين بحاجه لإسترجاع زوجك إليك ولن تستطيعي إرجاعه إلا بعمل عدة أشياء
وأولها الإستعانة باالله ثم يكون عندك عزم وإصرار وثقه بنفسك وبقدرا تك على إصلاح زوجك وعليك أن تنسي الماضي بحذافيره وتبدأي معاه صفحه جديده إجلسي مع زوجك جلسة مصارحه وأعترفي بتقصيرك في حقوقه وقولي له كل إنسان يغلط وكل إنسان يحصل منه قصور ومافية شخص معصوم عن الخطأ وأنا وأنت قد سبق وكل شخص غلط بحق الثاني وحنا بيننا عشرة عمر وبيننا أطفال وأنا رغم كل إللي صار من خلافات مازلت أحبك وأبغاك ومالي غناة عنك أنت زوجي وحبيبي وأبو عيالي أنا كل إللي طالبته منك الحين إنا نبتدي حياة جديده
ونعيش مع بعض بحب وإحترام لبعضنا وكل واحد منا في قلبه شئ على الثاني يصارحه فيه إذا كان هناك قصور في أي طرف أو خطأ الثاني يناقشه ويناصحه فيه أنتي يا أختي تقولي إن زوجك طيب وحنون وكريم عليكم وهاذي صفات حلوه وإيجابية وإذا كان زوجك يصلي ويخاف الله هاذا كمان أحسن الصفات إلى جانب الصفات السابقه فما عليك إلا إنك تتعرفي على إحتياجات زوجك وتشوفي الشئ إللي ناقصه والشئ إللي يبحث وراه والشئ إللي هو يحبه وتسوينه له أتعلمي فن التعامل في العلاقات الزوجية الخاصه ومثل ماعرفتي تكتبي مشكلتك هنا رايحه تتعلمي كيف تتعاملي مع زوجك بإذن الله عندك هنا قسم في المنتدى إسمه مفضلة المتزوجين فيه أشياء حلوه تعلم وتثقف وفيها فوائد عديده والحمدالله ما أتوقع إن اليوم هناك زوجه جاهله في الأمور الزوجية بسبب وجود المنتديات الراقية والحريصه على حياة الأسر المسلمه ففيها كل مايخطر على بالك أتعلمي منها وأسعدي زوجك وبسطيه جددي في حياتك وأسلوبك ولبسك وشكلك وحسسيه بالتغير هاذا وأهم شئ أهتمي فيه من ناحية العاطفه والعلاقه الخاصه
تفنني فيها أجذبيه ناحيتك وأسعديه فيها لاتقولي أستحي ما أقدر أسوي كذا أو أطلب منه كذا الحياء يمنعني لا يا أختي أنتي زوجته وخليلته بشرع الله
وهاذا الشئ مافيه حياء لأن الحياء في العلاقات الخاصه هو السبب الرئيسي إللي وصل الأزواج للخيانة الزوجه لو أستحت في العلاقه الخاصه وأظهرت حيائها لزوجها قال عنها هاذي بارده جنسيا وإلا ليس لديها رغبه فيني وبعدها يبتدي يبحث عن إللي تسعده وتتفاعل معاه سوى بالحلال أو الحرام أهم شئ عنده حرمه تحسسه برجولته ويحس بأنه مرغوب فيه الرجل مايبغى زوجه تحرمه من حقه الشرعي وإذا طلبها حقه كأنه يشحذها
وإن أعطته حقه كأنها تفضلت عليه وتعطيه من غير نفس وببرود شديد من غير عواطف وأحاسيس ومشاعر وتعبير عن سعادتها بهاذا اللقاء الحميم وأخير أختي الحبيبه إذا بغيتي زوجك يترك الخيانة إقتربي منه وأبذلي له المزيد من الإهتمام فيه وفي إحتياجاته الخاصه أشبعي فيه الناحية العاطفية
ضيقي عليه الخناق من ناحية العلاقة الخاصه حتى لو بطلب منك أنتي أهم شئ تتأكدي بأنه مايطلع عند أصحابه أو أي مكان فيه فتنه إلا وقد فرغتي شحناته العاطفيه حتى نفسه تقنع من النظر للحرام وكل ما أنتي قريبه منه كل ما أبتعد عن الخيانه وحطي في بالك إن الزوجه إذا زوجها خانها علاجها ماتروح بيت أهلها لأن هاذي أشياء خاصه يجب عليها هيه بنفسها تدور مواضع الخلل وتصلحها بدون تدخل أي أحد بينها وبين زوجها تروحي بيت أهلك إذا كان إنسان يستخدم المخدرات أو يمد إيده عليك ويسب و يلعن فيك أو إنه إنسان بخيل تروحي لأهلك وهما يجلسوا ويتفاهموا معاه في هاذي الأشياء أما خيانة علاجها عندك أنتي و بيدك حلها
وبطريقتك الخاصه تقدري تجيبين راسه وشوفي ترى جميع مشاكلكم أنت وياه سببها الخيانة أولا ثم إبتعادك أنتي عن زوجك سبب تراكمات وشقوق في حياتكم الزوجيه غاب عن حياتكم الصراحة والنقاش والتفاهم فحضرت المشاكل والبعد والجفاء بينكم فولدت هاذا الوضع إللي أنتم فيه الآن .
وأنا قلت إللي عندي وأتمنى أكون أفدتك ولو بلقليل والبركه بالإخوان والأخوات ماراح يقصروا بإذن الله في طرح الحلول المناسبه لمشكلتك فما أنا إلا تلميذه عند إخواننا الأعضاء بارك الله فيهم جميعا
أختي في الله أسأل الله عزوجل أن يسعدك ويصلح لك زوجك ويرده إليك ردا جميلا وأتمنى لك التوفيق والنجاح في جميع الحلول التي تأخذين بها .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله