اقتباس:
المشاركة الأصلية كتبت بواسطة noora
عفراااء ,, اولا لااازم اقولك انك ماشاء الله عاقلة وواعية بالرغم من صغر سنك
ربي يسعدك و يوفقك .. قولي اميين
و انا اقرا بداية مشكلتك قلت سبحان الله كم ان حياة الاشخاص تتشابه
وبعدها
كنت صراحة زعلانة عليك  من منطلق انهم اهله ولهم الحق بفلوس ابنهم
بس على ماوصلت نهايية الموضوع كنت فعلا معاك قلبا و قاالبا .. زوجك زودها ..
اولا خليني بس اعارض جملة قالتها تالينا
مو كل الرجال ياتالينا بالعكس .. هذه طباااع و تختلف من شخص للثاني
... فا ابدا ما ارمي الغلط على عفراء
لانه لو طبعه التعقل في الصرف كان بيتعقل سواء هي معاه او لا
وعلى طبعه انا متاااكدة حتى لو عفراء عايشة معاه كان برضو مافرق معاه و استمر بالصرف
عفراء سؤال عشان ما نكون ظلمنا اخوته ..
اخواته المتزوجات .. كيف امورهم المادية ؟؟ يعني على قد حالهم و لا مرتاحات؟؟
من كلامك اهله عايشين ببلد ثاني .. كيف طبيعة البلد اللي هم عايشين فيه؟؟ يعني الاسعار ؟؟
الجامعات الحكومية يندرس فيها و لا ماتنطاق؟؟
اخوانه الذكور اصغر منه و لا اكبر و يشتغلوا ؟؟؟
|
هلا والله بالغالية ام يوسف
والله ماتدرين قد ايش وجودك في الموضوع فرحني لأني احبك والله من قلبي
وكمان كنت ابغى رأيك بشكل شخصي لأني اعرف إن زوجك يسوي نفس الشئ مع اهله
وصدقيني انا ماصرت عاقله وواعيه كذا إلا من وراء كلام كل الأخوات هنا
وماتعرفين قد ايش انا استفدت من مشاركاتك أنت بالذات لأنك الوحيده اللي كانت تعيش نفس ظروفي
اما بالنسبة لأسئلتك
اخواته المتزوجات احوالهم المادية طيبة
وهم صح عايشين في بلد فقير لكن ظروفهم كويسه ومو محتاجين لمساعده
والله إنهم عايشين احسن مني أنا وزوجي بكثيييير
الجامعات الحكومية افضل من الخاصه عندهم
لكن مشكلة اخته إنها جابت مجموع في الثانويه ضعيف ومايدخلها جامعه حكومية
عشان كذا سجلت في جامعه خاصه
أخوانه واحد اكبر منه والثاني اصغر وكلهم يشتغلوا
لكن الكبير ظروفه على قده
والصغير راتبه كويس مره ومو متزوج لكنه مايساعد في شئ
والاب ظروفه كمان طيبه ومو محتاج لمساعدة زوجي لكنه حريص شوي على الفلوس
وماعنده غير الام وبنت واحده يصرف عليهم
لأن الباقيين اما اولاد ويشتغلوا او بنات متزوجات