رجعت

أول سؤال : استشارة بخصوص عرباية البيبي
بخصوص العربانه اللي اعرفه انه ابنك بيكون 3 سنوات او اكبر شوي بولادة البيبي, فماراح تحتاجي عربانة الطفلين لأنه بيكون كبير ما شاء الله و مش محتاج
انا بولادة ابني كان عمر بنتي سنتين و 8 شهور و ما شاء الله كانت رافضه تجلس على العربانه حتى قبل ما يجي اخوها
مع انه الناس كانت تقولي اشتري عرباية الأخوان و ارتاحي بس انا ما استعجلت و قلت بشوف الوضع بعد الولاده و اذا اضطريت فأكيد راح ا شتري
بس الحمدلله بنتي تعودت على المشي و رافضه جمله و تفصيلا و انا ارتحت من الناحيه هذه

و كمان لازم تراعي جو البلد اللي انتي فيه ألمانيا غير عن برطانيا من ناحية البرد و كمية الثلج
فالعربايه اللي عندك ما اعتقد بتستمري عليها خاصة أيام الثلج لأن عجلاتها جدا صغيرا و يمكن حتى تتزحلق و تطيحوا لا سمح الله

انا العربايه اللي عندي اشتريتها 2007 و لغاية يومك هذا استعمله و ابدا ما ارتاحت على طول من بنتي لأبني nonstop

اسمها Quinny Freestyle 3XL و مكونه من 3 أجزاء
1- مقعد السياره اللي تحطيه فوق العربانه


2- الجزء الأول لمرحلة الأستلقاء من الولاده الى 6 شهور


و أنا كنت استخدم الجزء هذا كسرير كمان أول شهرين لما كنت عند اهلي,
يعني ينام فيها بالبيت زي السرير و وقت الطلع اذا ما اخذنا السياره احطه فوق العربيه و الحمدلله كنت مرتاحه عليه



3- الجزء الثاني لمرحلة الجلوس من 6 شهور فما فوق الي 20 كيلو يعني ممكن ل4 سنوات


و فيكي تسكريه على بعض لما تحطوه في السياره و العجلات من النوع اللي تنفخ زي عجلات الدراجه
كمان العجلات كلها تقدري تشيليها اذا مثلا اخذت مكان كبير



و تقدري تتحكمي بجهة الطفل لأنه فيكي توجهيه لنفسك لما الطفل يكون صغير و توجهيه للجهه الثانيه لما يكبر و يبدأ يجلس و يشوف العالم قدامه بعمر السنه و اكبر
و عنده Hand break يعني حمايه اضافيه و قت الثلج و الجليد و كمان جرس مثل الدراجات عشان يوخروا الناس من قدامك

يمكن وزنه كبير شوي 14 كيلو بس صدقيني ما تحسي فيه لأنه ابو 3 عجلات و العجله اللي قدام تتحرك 360 درجه
حاولي تقرأي عنه لأن مميزاته كثيره

السؤال الثاني ... استشارة بخصوص السرير
شوفي زي ما قلتلك انا استخدمت الجزء الأول من العربانه كسرير لمدة شهرين و سرير السفر استخدمته لبنتي لأنه غرفتنا كانت جدا صغيره فكنت لازم ابتكر طرق تنفعنا
و لأني جربت النوع هذا راح انصحك تشتريه اولا اوفر لأنك ممكن تستخدميه اذا سافرتوا و يقدر ينام فيه لين اعتقد 3سنوات او بحسب الوزن



توكلي على الله و اشتري النوع اللي نزلتيه بالصوره مش النوع اللي انا نزلته, لأنه الأول شكله اسهل و أفضل لحديثي الولاده لأنه بيكون بمرتبه عاليه
و احسن لك و لظهرك من حمله كل ساعتين و اشوف انه له مكان لتغير الحفاظ عجبني فعلا ما ادري ليش ما شفته من أول

و انا استخدمت سرير السفر حقي لما رجعنا لبيتنا زي مكان آمن لأبني عشان ما اخته الملقوفه تزعجه بلمساتها كل شوي
فكنا نجلس بالمجلس و هو يكون جنبنا بالسرير هذا لما يكون صاحي و أخته تلعب معاه و تضحكله من الطرف
و أنا كنت جدا متطمنه عليه لدرجة إني كنت احيانا اروح استحمى و أخليهم لحالهم

السؤال الثالث .. استشارة بخصوص معقم الببرونات
ابدا ما استخدمته و ما اعرف ناس استخدموه حتى..
انا كنت اتبع الطريقه التقليديه بأني اغلي ماي على القدر و بعدين اسكر النار و احط الببرونات و المصاصات و كل شي و اسيبه فتره و بعدين اغسله و خلاص
ما اشوف له داعي ابدا انك تشتريه وفري الفلوس لأشياء ثانيه مثل مضخة الحليب او مكينه تقطيع و خلط الأكل لما ان شاء الله يكبر و يبدأ أكل

ان شاء الله اكون افدتك و أي سؤال انا حاضره