[QUOTE=noora;2571743]السلام عليكم و رحمة الله و بركاته

وعليكم السلام ورحمة الله وبركاته..هلا بنورا



بادخل بالموضوع على طول لانه اصلا طويل

خذي راحتك



حابة اسألكم كم من سؤال محيرني و اتمنى منكم الاجابة من خلال تجاربكم و
خبراتكم

صح هذا حملي الثاني الله يتممه على خير .. بس حاسة نفسي ناسية كل شي

مش لوحدك ناسية ..انا كمان ناسية كل شئ ونفسي اسأل أسئلة كتيييييرة.


المهم

اول سؤال : استشارة بخصوص عرباية البيبي




بخصوص العرباية..اللي في الصورة شكلها حلو وعملي..كتير عم بشوف ناس عندنا بستخدموها..بس إتأكدي إنها خفيفة.
والله يانورا شكلي حشتري العرباية إم الاثنين..لانه ابني صعععععب..بس مش عارفة اذا حتكون كتير ثقيلة خوفتيني.




السؤال الثاني ... استشارة بخصوص السرير


بتخيّل انه سرير السفر أفضل..لانه أأمن للبيبي..ومتعدّد الاستخدامات ..يعني بتقدري تستخدمي مساحة لعب لطفلك بس يكبر ان شاء الله..وسهل ضبّه ونقله في السفر..اختي جرّبته ومدحت فيه.



السؤال الثالث .. استشارة بخصوص معقم الببرونات sterliser



صراحة لا أنا ولا اللي بعرفهم استخدموه..فماعندي فكرة عنه.


السؤال الرابع .. نوم الطفل ..


شوفي انا ناوية إن شاء الله أحط البيبي في غرفتي على الاقل لمدة اول ستة اشهر..لانه في البداية نومهم بكون مش منتظم...فأنا بقترح عليكِ زوجك ينام في غرفة بوسف اوّل فترة لحد مايستقر وضعه شوي..لانه اذا نمتي إنت بغرفة يوسف..حيصحى يوسف مع البيبي من صوته وتصيري بإثنين وهيك صعب كتير.

اخر سؤال لاني ادري طولت عليكم
طبعا باذن الله ناوية عالرضاعة الطبيعية .. بس قررت اعطيه رضعه صناعي
بالليل قبل ما ينام عشان يشبع و ينام اكثر و اطول
فاي حليب تنصحوني؟؟؟؟؟

بإذن الله اذا ربنا رزقني بحليب كويس فأنا حعمل مثلك رضعة صناعي بالليل لانها بتشبع البيبي فبنام ساعات أطول..بالنسبة لانواع الحليب مابقدر أفيدك لانه انواعنا هون في أمريكا بتختلف تماما.

موفقة ان شاء الله.

__________________
{اللهم أكرم اخواتي الغاليات عاشقات الامومة بالذرية المباركة والطيبة قريباً يارب}