المشاركة الأصلية كتبت بواسطة تالينااا

شوفي شاهي

انتي تتعاملي مع زوجك على اساس انه يفكر ويحس مثلك

بس ترى هو رجال وله طريقة تفكير وله قلب ومشاعر مختلفة عن النساء

لو انه الموقف صار بين بنات اكيد الفرحة بتكون كبيرة ، لاننا كبنات فاهمين انك ما اهديتيني السيارة الا لاني غالية عندك

<< مصدقة نفسها مرة

لكن الرجل طريقة تفكيره مختلفة حبيبتي وهذا مو معناه انه معقد

ترى مو شرط انه الرجل يصير تفكيره زي تفكيرنا عشان نقول عنه منفتح ، الرجل بشكل عام مختلف واختلافه مانقدر نقول عنه تعقيد

زوجك مافرح بالهدية لانه أخذها من باب الكرامة ، وهو رجل صعب جدا انه زوجته تهديه سيارة

والسيارة انتي عارفة انها من احلام الشباب في مقتبل حياتهم كل واحد فيهم يفكر ايش يشتري سيارة ويحلم بس متى يوصل سن 18 وياخذ التصريح ويسوووق حتى لو يسوق وانيت المهم انه يسوق

فزوجك حبيبتي شايف انك رقيقة وناعمة وبسيطة ، وانك الجانب الحلو في حياته ، وانك رمز الانوثة ، فما يبغى منك الا الرقة والنعومة ، ومايبغى منك الا هدايا تعبر عن بساطتك وانوثتك

زوجك مو منتظر انك تكوني الفانوس السحري اللي يحقق احلامه ، زوجك انسان عاطفي وحساس ، ويبغى منك الحب والحنان والاحتواء ، ويبغى ان قلبك يكون له هو فقط (مثلي يابنتي ماتعرفي تمثلي انك طايرة فيه وماتشوفي في الدنيا غيره حتى لو كذب )

وزوجك كمان شايف انه انتي الانثى وهو الرجل ، وهو اللي مفروض يحقق لك طلباتك ويجيب لك اللي تتمنيه ، فلما صار العكس ، وانتي اللي جبتي له السيارة ، حس انه كرامته انجرح كرجل ، زي لما يقولوا : كيف اقبل زوجتي تصرف علي ؟

فهمتيني حبيبتي؟

حسسيه انك ضعيفة وانك محتاجة له وانك ماتعيشي من غيره وانه لو غاب عن حياتك تموتي ، وضحي احتياجك له باكثر من طريقة ، زوجك عارف انه اهلك سندك ، وهذا الشي يأثر فيه كرجل يريد ان يكون هو السند الحقيقي لزوجته

وهديتك أكدت له انه شاهي بوجودك ومن غير وجودك يافلان ترى تقدر تعيش وتدبر امورها ، اذا سيارة اشترت ، معناها ماراح تعجز تسوي اي شي من غيرك

زوجك يبغى يحس ياحتياجك ، يابنتي حتى علبة الكولا سوي انك ضعيفة ومو قادرة تفتحيها خليه هو يفتحها ، حسسيه شوي برجولته معاك

الله يسعدكم