حكايتي مع زوجتي (الجزء الثاني)
السلام عليم ورحمة الله وبركاته
انا كان عندي موضوع قبل فتره في حكاية الجماع مع زوجتي واصرارها انو يكون مره وحده في الاسبوع
والحمدالله اني قدرت بمساعدتكم وبمساعدة الموقع الطيب هذا اني انهي المشكله تماما
وانا في الاساس كانت مشكتلي في حاجتين
اول حاجه الي هيا الجماع والحمدالله انتهت
وثاني حاجه الي هيا انو بصريح العباره ما تدلعني وانا بقولكم كيف
يعني مثلا نادر جدا ماتقولي احبك حتى عن طريق الرسايل
ماعمرها حضنتني الى بس مره وحده وكان اقدر قول عليه نص حضن لما انهينا مشكلة الجماع
ونادرا لما تبوسني وذا باست تمسح فمها على طول
وماتجي تدلع عليا وتدلعني انو طبعا عارفين الاشياء هذي
واحنا علاقتنا الان عاديه بنتكلم عادي واي شي بطلبه تقول ولاتستحي وما يجي حياها الا في الاشياء هذي
حتى مافيه كلام رومنسي بينا واذا صار وطبعا اكون انا البادي ترد وهيا تضحك ويبان على وجهها الحيا
واغلب كلامها انتقاد يعني انتا ليه كذا وديما تسوي كذا حتى اقولها انتي ماعندك الا الانتقاد
ماتسمع بالكلام الحلو ترى والله يمدحوه
وحت اكون حقاني حتى هيا تقول انتا بس تنتقد بس انا انتقادي يكون ليه ماتسوي الاشياء هذي
ومع كذا اسمع كلام حلو واتغزل فيه (وهيا وجهها يروح اشكال والوان)
وعل فكره احنا متزوجين من 9 سنوات وعندنا بنت و ولد وهيا من بداية الزواج وهيا كذا
وهيا تحسنت بس تحسن قليل مره
والمشكله انو تقول انو الوضع عادي جدا
وانا عارف انو ممكن بعضكم يقول يمكن ما تحبك
بس انا سالتها وحلفتها بالله انت تحبيني او لا او انها عشره وبينا عيال وخلاص
تقول والله العظيم اني احبك يعني انتا منتا حاس بحبي اقولها لا ماني حاس
ونسكت فتره على الموضوع وارجع اسالها وهيا تقول نفس الكلام
هيا تقولي انتا استمر فتره معايا وقول الكلام الحلو وانا مع الوقت اتحسن وانا مشكلتي اذا سويتها كم يوم
وما شفت شي ابطل اسويها
انا احس انو بعض احيان تبغى تسويها وطلع حاجه بسيطه منها ويروح وجهها اشكال والوان
وانا وصلت لقناعه انها مستحيل طلع منها
وانا مره قلتلها شوفي الموقع هذا ادخليه ترى طيب ومفيد و خرجت من البيت ورجعت بعد فتره
وسالتها كيف الموقع قالت كلو بنات اش تبغى تدخله
وعلى فكره هيا ما تحب تقرا كثير واذا فيه موضوع طويل ماتقراه لو ايش
فاايش الحل معها