منتدى عالم الأسرة والمجتمع - عرض مشاركة واحدة - وهل للعذاب نهايه .. شوركم يالاجواد ..
الموضوع: وهل للعذاب نهايه .. شوركم يالاجواد ..
عرض مشاركة واحدة
قديم 04-02-2011, 01:03 PM
  #9
Take Breath
عضو نشيط جدا
تاريخ التسجيل: Nov 2010
المشاركات: 287
Take Breath غير متصل  
عندج طريقين /:-

الأول : تتزوجين ، وتنذلين ويجرحج أكثر وأكثر ،، وبعدين نقولج أهلاً فيج معانا بقسم المطلقات

الثاني: تتركينه ، وتنتظرين نصيب أفضل منه

:/

شوفي إنتي عند مفترق طرق ، ف إختاري الطريق الصح
آنه تزوجت عن "" حب ""
عشت وياه ابمشاكل ، هي خيانه ، هي إهانه .... إلخ
ولله الحمد يعني
عقب لما فكرت اتطلق منه ظليت افكر نفسج
- تعودت عليه
- احبه
- ماقدر اتخيل نفسي مع غيره
- عاندت اهلي عشانه الحين اشبيقولون عني

بس بعد ماتطلقت جافيت لا بالعكس...
أهلي علاقتي فيهم صارت أقوى من قبل ،
وبالنسبة حق ماقدر اتخيل نفسي اتزوج غيره لا صرت اتخيل نفسي اتزوج غيره
وبالنسبة لـ " أحبه " شفت إنها كذبه أصبر فيها روحي...
مع الأيام تدريجياً نسيت الحب
ببداية الايام اشتاق له إي نعم ..
وحتى لحد قبل شهر يمكن كنت اشتاقله ما انكر..
بس ألحين خلاص انغمست في حياتي الجديدة
صديقاتي صاروا اقرب لي
أهلي
شفت من اللي يحبني بهالفترة وشفت وعرفت من اللي مايتمنى لي الخير
بإختصار عشت حياتي وصارت عندي تجربة زواج تخليني أكو أرقى بإختياري مستقبلاً..
يبا حبيبتي ترى هو مايبيج ...
الريال لي حب البنت مايقدر يسويلها شي يضايقها يخاف على زعلها
مو بعد يهينها!!!
ترى هذااااااااا مايحبج..


وانتي براحتج
__________________
الأمل بالله عرفته