السلام عليكم ورحمة الله وبركاته
رجعتيني ل 10 سنوات وراء
لما كان عمري حوالي 11 سنة
كل جمعه من كل اسبوع البابا ياخذنا آنا وأختي وأخوي
وخالي ياخذ ولاده اثنينهم وبنته
ونروح كلنا السوق..
نشتري كتاكيت ملونه .. وعصافير
نرجع البيت فرحانين ومستانسين ..
طبعا نلعب معاهم طول اليوم ولما يصير الليل وننام
نقعد عقب من الصبببببببح ندور العصافير
وأبوي يقول .... "" إحنا ماناخذهم عشان نحبسهم ..
يسألني انتي تحبين احد يحبسج بقفص؟
اقول له لا
يقول عيل حتى العصافير مايحبون نحبسهم فـ نطيرهم أحسن "
وظل كل اسبوع يكرر علينا نفس الكلام
بعدين صرنا متعودين ان راح نقعد الصبح ونلقى عصافيرنا طايرين
:-) فديت ابوي .. الله يحفظه
أما حالياً أحب الحيوانات - بعضهم - مو كلهم بس من بعيد لبعيد
لأني انزعج منهم وأخاف بعد