المشاركة الأصلية كتبت بواسطة بنت الحكمي

حيا الله أختنا الغاليه رو ح الطير نورتي المنتدى بطلتك يالطيبه
الله يحيك يا أطيب و أحن قلب

ونر جع لمشكلتك شوفي ياقلبي ترى إذا عاش الزو ج بوادي والزوجه بوادي ترى هاذي ماتسمى حياة
زوجيه لأن الحياة الزوجية تكاتف وترابط وتعاون بين إثنين وكل واحد منكم مكلف بمهمه وعليه مسؤليه
هو يكره تحمل أي مسؤوليات .. لكن مقارنة بين وضعه الان و قبل فرق كبييييير ،،

يعني عشان خاطري بيحاول يعمل الشغلة ، مو لإنه ( نابع من احساسه باالمسؤولية ) ،.
بس لإنه مشاعره تحركه و ما يبغاني أزعل ، يعني بعد ما انتهي خلاص ..

لو اتركه كذا ، بتلقيه يجلس سنة و سنتين و مريح حاله من مسؤوليتنا دام أهلي
موجودين.. و أبرد ما عنده ؟؟؟


أنتم توكم في أول مشوار حياتكم وما عندكم إلا طفل واحد و غدا بإذن سترزقون في المستقبل بأكثر
من طفل وأنا في وجهة نظريكل الإحتياجات والطلبات والمسؤليات بتهون وراح تقدري عليها إن شاء الله
إلا شئ واحد وهو مشاركة زوجك في تربية أبنائه بكره يجونك عيال أولاد وبنات و حملك بيصير ثقيل
والأولاد يحتاجوا أبوهم معاهم يهتم فيهم يعلمهم ويسأل عنهم في مدارسهم إذا الولد قابلته مشكله لا
سمح الله في المدرسه أو الشارع من بيحلها من بيسأل عنه غير أبوه أنت ماراح تقدري تعملي له شئ
ولن تجدي من يخدمك في من أقاربك في ظل وجود زوجك و إذا جاملك مره ماراح يجامل المرة الثانيه
فالمسأله ماهي بسيطه أبد و أنا أختك
بيني و بينك ، أخواني يخافوا على ولدي أكثر من زوجي ..
و أبوه يقول بتريقة ( فكّــــــة ) .. ليت يعيش معاهم و يريحنا


إذا إبنك مرض وتعب لقدر الله آخر اليل وزوجك عندك ولا حتى طالع برى البيت لازم تتخذين موقف حازم
يا أختي هاذا طفل ممكن لا قدر الله من السخونه يتعرض لتشنجات و الإسهال والإستفراغ يسبب له
جفاف إذا لم يتم نقله بأسرع وقت للمستشفى وهاذا طفل أمانه في أعناقكم و حتى لوسيارة زوجك
خربانه ياخذ ليموزين أجره أو ياخذ سيارة جاره أو صديقه هو رجل يدبر نفسه
كنت عند أهلي وقتها ، لإنه من يوم نزلنا من بريطانيا و أنا و ولدي عند أهلي و هو عند
أهله .. زوجي كل شوي اتصل عليه و يقول ، بعد شوية .. بعد شوية .. إلخ
و اعرف معنى ( بعد شوية ) في قاموس زوجي ايش تعني ؟

و ولدي من جد صابه ( جفاف ) الدكتور قال ..
و قال كويس لحقتوا عليه ..

على فكرة ..
يمكن لو أنا اللي مرضت ، كان زوجي جري و أخدني للمستشفى
يعني من ردودي اليوم ، اكتشفت نقطة .. إنه زوجي ( عواطفه هي اللي تحركه ) فقط


والمفروض أنت ماتتساهلي معاه أبد في هاذي الناحية لو لبست إبنك ولبستي عبايتك وقلت له بالحرف
الواحد أنا جاهزه قوم ودني المستشفى الولد تعبان بحزم و لاتخلين له منفذ لأنه أنتم عائلته وأسرته
وإذا ما أهتم فيكم زوجك من بيهتم
عشان كذا ما استنيته و أخذت تاكسي بس اخدت الإذن من أمي..

غيره أنت حاولي إشراكه بكل شئ معاك إشركيه بكل المسؤليات إذا بغيتي السوق خليه هو بنفسه يوديك لسوق ويمسك العربه وتقضون مع بعض إذا جاب لك أعذار قولي له أنت ماتغار عليه من نظرات الناس وأنا لحالي بالسوق أنت ترضى إن زوجتك تنزل لمكان مختلط لحالها بدون محرم وحاولي إنك تأتين له من ناحية الدين والغيرة على الأعراض أشعلي فيه الحراره وخليه يهتم و يحس بأن عليه مسؤليه أشركيه معاك في كل الإحتياجات مرة بحزم وإصرار ومره بلين ومدح وثناء عليه وخليه يشاركك في جميع إختياراتك ومشترياتك أطلبي منه المجئ معاك على أساس إنك تحبي تاخذي رأيه أو ذ وقه
في شئ تودين شرائه لك أوللبيت وقولي له رأيك مهم
الناحية هذه و الحمد لله ، تحسن و صار كذا ..

بالنسبه لي و ضروري تأتي معاي و لو وداك لسوق لقضاء إحتياجاتك حاولي تاخذين جميع ماينقصك مرة واحده علشان مايمل من طلباتك له كل شوي ودني السوق ناقص كذا وأبغاك ترو ح معي أحسن شئ قضاء إحتياجاتك مره وحده بالذات مقاضي البيت لأن بعض الرجال ملول مايحب روحات و جيات السوق كل شوي وأفضل شئ إنك تخصصي يوم لمشتريات البيت ويوم آخر لمشترياتك الخاصه
علشان مايتسرب الملل لنفس زوجك بطول الوقت و أنت تقضي و يطفش وقبل كل شئ إتفقي معاه على كذا قولي له
يبو فلان أنا عارفه إنك ماتحب اللفلفه بالسوق و تحمل المشاوير كل يوم فأنا عندي إقتراح ونبغى نتفق عليه من الحين أنا وياك أبغى منك يومين بالشهر يوم تاخذني لسوق أنا وأنت مع بعض وناخذ مقاضي للبيت مرة وحده واليوم الآخر نرو ح مع بعض ناخذ مشترياتي الخاصه أنا وأبني و يومين كافيه بإذن الله تعالى
وأنتي سوي لك ميزانيه وجدول بجميع إحتياجاتك والأشياء إللي ناقصتك للبيت وسجليها بورقه وروحي معاه وأشتري إللي يكفيك لشهر الثاني من جميع الأشياء إللي تحتاجينها ولا تتهاونين معاه بالإتفاق مهما تعذرك أو حاول يراو غ أو يماطل و لاتاخذك طيبتك وحنيتك وتطاوعينه في أعذاره ترى إذا ماحاولتي الإصلاح من الآن ترى في المستقبل بتصير مشكلتك في إصلاحه عويصه وصعبه وفيه مثل يقول إبنك على ماربيتيه وزوجك على ما عودتيه فلا تتساهلي في هاذا الأمر

يمكن اللي مضايقني حاليا إني من زمان قلت له ..
ترى ما راح أتحمل أي ظروف لو رجعنا السعودية و ما حأجلس عند أهلي ..
و لازم تحسب حساب من دحين .. و كان يقول طيب و يطنش ..


وخير وسيله لدفاع الهجوم
وأنتي لاتهربي وتستسلمي من أول شئ يواجهك في حياتك
نفسي أقفل جوالي و ما أكلمه و ما أفكر أبدااااااااا فيه .. بس أسبوع واحد
يمكن يتحرك و يجيب البيت بسرعة ؟ (الفلوس موجودة.. بس يتحرك ؟)

المشكلة ما أتحمل يعدي يوم من غير ما أسمعه ، أو أشوفه ..


لاتقولي أحبطني و حطمني بتصرفاته وكسر مجاديفي و تحطين كل عبارات اليأس في قاموسك لا خلي عندك ثقه بنفسك وإيمان في داخلك بأنك قادره على تغير زوجك وإصلاحه وإن لا يأس مع الحياة
ومثل ماثابرتي و ذا كرتي وسهرتي و نجحتي في دراستك
حتى و صلتي هاذي المرحله المتقدمه في التعليم و التفوق والنجاح ماشاء الله تبارك الله
فأجتهدي و فكري بعقل وحكمه في سبيل نجاح حياتك الزوجية بالذات إنكم مازلتم في أول المشوار
اخدت صدمات كثيرة في الغربة و انخبطت كثير على راسي منه ..
صابتني باليأس و احساس بالتبلد.. فما صار يهمني إنه يتغير و لا لأ ؟
المهم ما يقصر في حقوقي

وأنا أعتبر إن بداية المشوار يكون مازال ملئ بالحب و المشاعر والعواطف وكل واحد متعلق بالثاني بشده فعلشان يكبر هالحب و نحافظ عليه لابد أن نهتم فيه و نغذيه حتى يكبر و يزيد في قلوبنا لبعض والإهتمام به و بتغذيته مايكون بالإبتعاد عن شريك حياتك لأن الإبتعاد يولد الجفاف في المشاعر و الأحاسيس تجاه من تحب فلذلك يصير وجوده في حياتك كعدمه سوى حضر أم غاب مرض أو جاع يصير مثل الديكور بس ماله أي وجود في إهتماماتك وإحتمال الرجل إذا أحس بهاذا الإهمال والإبتعاد و التطنيش والحرمان وعدم الإهتمام فيه راح يدور عليه من مصدر ثاني حتى لوكان هو السبب بهاذا الشئ إللي صارله ماراح يعترف بخطئه وراح يحملك أنت المسؤليه كامله بمجرد أول هفوة له لاقدر الله
عشان كذا و عشان هذا السبب ، بأنعش حياتنا كل شوي
بس هو مثل اللي ( حاط في بطنه بطيخة صيفي ) ..
مو داري إنه القلب يحتاج إنه يرتوي .. و إني أقاوم نفسي إني ما أولد الجفاء بيننا ..

نحن كنا قريبين من بعض هناك ، و قبل لا ننزل السعودية ..

قال لي ، بس أسبوعين نشبع من الأهل ، ثم نستأجر سيارة و شقة و نتمشى لوحدنا ..
و يوم نزلنا ، وعدت اسبوعين .. قال لي الفنادق كلها مزحومة عشان الحجاج ..
بعد ما راحوا الحجاج ، قال الشقق المفروشة غالية و ماقدر أستأجر سيارة عشان
رخصتي انتهت .. و شوي قال لي ( كل جمعة بأخرج و نتمشى سوى ) و كله كلام
عدا شهر كامل و أنا عند أهلي و أشغل حالي عنه

شوي يوم قررنا نجلس و نأجل الغربة ، قال لي ما يعدي أسبوع إلا و نكون في بيتنا
و ابشري من عيوني ،، و دخلت لمواقع العقارات و دورت معاه .. و زي كذا

من كثر ما يوعد و يخلف ، أنا كمان حسيت إني هبلة بأحرق حالي
و هو أبرد ما عنده ..؟؟؟

إيش يهمه ؟ دام أهلي موجودين .. و مو مقصرين معنا ؟
ليه يجيب وجع الراس لحاله ؟

فأنا لازم أتغير و أتعلم كيف أكون مثله ، و لإنه اللي مثل زوجي يقهره ( التطنيييش )


فأنتبهي على حياتك و زوجك و بيتك ولاتغرك طريقة أختك في حياتها مع زوجها ترى الرجال يختلفون عن بعض وإللي ينطبق على زو ج أختك مو معناته ينطبق على زوجك حتى لوتقبل الأمر بالبدايه مع الوقت بيحس بإنه ناقصه شئ
ولو ماحس هناك أناس تفتح العيون المغمضه وأنا أختك
أسأل الله أن يصلح لك زوجك ويجعله لك كما تتمنين و أسأل الله أن يسعدكم و يهنيكم ببعض و يبعد عنكم كل مايكدر صفوكم يارب .