اقتباس:
المشاركة الأصلية كتبت بواسطة شيخة البنـــات
مساء الأنوار والفل والجوري على حبيبتنا وحبيبة الكل
وأمورة المنتدى كله والله
اشلونج ؟ عساج طيبة
اعذريني يالغالية على غيابي
بس من جد مشغووولة كثييير
والأهل توهم واصلين أمس وكنت سهرانة أنطرهم
وخلال هالأيام الجاية راح يجونا ضيوف
لذلك اعذريني أشد المعذرة حبوووبة
طبعا آنا قريت كل الصفحات السابقة
وآنا أقدر ما أقراهم ههههههههههههه
أعتقد إن الإخوووان والأخوات كفوا ووفوا
والغالية أم سلطان بعد عمري
صففت لج كل الحجي والدرر صف
يعني كلامها والله خير من كل الكلام
وآنا حاسة فيج ياقلبي
ومقدرة إنج لما تحبين
تحبين من أعماق قلبج
حبج طاهر ونظيف وأبيض مثل قلبج
وتتمنين إن هالحب اللي تعطينه
تلاقين مثله وأكثر
وهذا من حقج ياقلبي
لكن مو كل شي احنا نتمناه نحصله
بس الحياة مثل ما تاخذ هم بعد تعطينا
احنا لازم نقتنع بالمكتوب
أحس فيج وبمشاعرج لما زوجج يخليج ويطلع
ولما يلبس ويسلم عليج وهو ماشي
والله أدري بحرقة قلبج وبضيق خلقج
وأتمنى لو أكوون معاج ويمج
جان تلاقيني من لما يطلع أنط عندج على طوول
وأظل ليما يوصل يوم ثاني
وأتم على هالحال ليما تتمللين مني وتطرديني ههههههههههههههه
عاد حزتها بروح لغلا قلبي ام سلطان
شوفي إذا طردتني بس مالي حد بعد
وين أرووح ههههههههههههههه
فديتج والله
المهم فمثل ما قالوا الجماعة
انتي دوووم اعتبريه رايح شغل
قنعي نفسج بهالشي
لما قريت ردج قبل شووي
وقلتي انج اعتبرتيه بشغل
وايد فرحت
وصدقيني ياقلبي كل شي ف بدايته صعب
وبعدين تتأقلمين عليه
كثر ما تكتئبين وتحزنين وتفكرين
كثر ما هالشي يزيد عندج
والفجوة تزيد أكثر وأكثر
وياخذ من صحتج ونفسيتج واايد
ومثل ما قالت ام سلطان يأثر على الحمل بعد
لأن الحالة النفسية وايد لها تأثيرات يمكن ما تدرين عنها
عاااااااارفة ومــتأكدة إن هالشي رغما عنج
وانتي ما ودج فيه
لكن انتي علشان تتغلبين على هالشي
لازم تحسبين رووحج عايشة في معركة مع نفسج
يا تغلبج يا تغلبينها
لا تحاولين تقعدين بروحج وايد
اشغلي نفسج قدر المستطاع
والله لما تشغلين رووحج تلاقين اليووم يطوف ويعدي بسرعة
حاولي خلال هاليوم تنسين أبو الشباب شوي
قنعي نفسج
هو مشغول ومسافر ألحين ما أبي ألهيه
واخذي ورقة سوي فيها جدول
رتبي فيه الأيام اللي تكونين فيها بروحج
وحطي لج برنامج معين
بحيث تطبقين هالبرنامج كل مرة
وصدقيني مع مرور الوقت راح تتعودين وترتاح نفسيتج أكثر بوووايد
قسمي وقتج ما بين الصلاة وقراءة الأدعية
والنت
والتلفزيون
وترتيب البيت
وإذا عندج جيران ليش ما تروحين لهم وتخلينهم يزورونج
و في الليل فكري شنو بتحضرين باجر للطيب لما يووصل
كل مرة فكري بشي جديد وحلووو
وصدقيني بينقضي اليووم سريع
ادري يمكن تقولين إن الكلام سهل بس الواقع أصعب بووايد
وصحيح إن مشاعرنا وأحاسيسنا ما نقدر نخدعها
لكن احنا إذا ظلينا جذي بنتعب وبنذبل
وبنعيش أيامنا في حزن وفي قوقعة ما نقدر نطلع منها
لكن لما نأقلم روحنا ونسعد نفسنا
راح نكون مرتاحين أكثر
" كـن جميلا ترى الوجود جميلا "
ولا تظنين أبد إني بلومج ليش إنج تعرفين إنه متزوج واخذتيه
لا أبدا
آنا دايما أحط أعذار
لأن ما في شخص يسوي شي يمكن يكون مو مقتنع فيه 100%
إلا إذا كان تحت وطأة ظرووف معينة
وكل واحد ما يدري عن ظروف الأخرين
فمو من حقي إني ألومج ياحبيتي
ظرووفج , حياتج وايد أثرت فيج
ويمكن صارت لج وايد أشيا انتي ما ودج فيها
بس الظروف هي اللي حدتج
حبيبتي , الله سبحانه وتعالى ما يسوي لنا شي
إلا وفيه صلاح ومقدر ومكتووب
وصدقيني الحياة مثل ما فيها المر فيها الحلووو
شعورج تجاه زوجج شعور وايد جميل
لكن نصيبج انكتب لج جذي
واحنا راضين باللي يقسمه رب العالمين
وحطي في بالج ياقلبي
كل شي ويتغير ما في شي يتم على حاله
" بين ليلة وضحاها يغير الله من حال إلى حال"
لذلك مثل ماقلت لج سابقا وأرجع أكرر كلامي المعهود اللي لاعت جبدج منه 
خلج متفاءلة ومبتسمة للحياة
كلما تتكدرين أكثر كلما حالتج تزيد وتضيق أكثر
والدنيا ياعمري تبي لها شخص قوووي يجابهها
الحياة صعبة وايد بس احنا همن لازم ما نستسلم
وايد هذرت ومللتج بالحجي
أتمنى أكوون عطيتج ولو شي بسيط جدا
رغم كلامي يضيع ويتووه بين كلام الإخوان والأخوات
ومثل ما قتل سابقا
آنا صغيرة بجنبهم وكلامي ماهو إلا نقطة في بحرهم الواسع
لكن لأني أحبج أكتب لج كل اللي بقلبي
حتى لو ما فادج أو ما كانت له أي قيمة
الأهم إني أقوووله
أحبج واااااااااااااايد
وأتمنى لج السعادة دووما وأبدا
وأتمنى لج بيبي حلووو صغير يملي عليج دنياج ويعوضج عن كل شي
قلبي معااااااااج
لي عووووودة حبيبي
|
وانا بعد احبج وااااااااااااااااااااااااااااااايد وااااااااااااااااااااايد
بعد روحي وحشتيني
توي كنت اسال عنج ام سلطان
وحمد الله على سلامة الاهل ياحبيبتي
عساكم ماتنحرمون من بعض
انتي لو يمي كان نسيت زوجي وقعدت معاج
لا تقووولي اطررررررردك وامل منك ماعاش هذا اليوم ولا عشت انا الي اسوي كذا
صدقيني حبيت البحرين عشانك ودي ايك واشوفك
وياحظ الضيوف فيج يا شيخة
ليتني اصير ضيفة ولو ساعة اهم شى اشوفك واشبع من شوفتك
ولو انه الي يجلس معاك مايشبع منك لو يقعد عمر بحاله
صدقيني انتي تحسين فيني وايد ياشيخة واحسج قريبة من مشاعري وظروفي كثير
في شى يربطني فيج لمجرد ماقول شى احسك تفهمينه صح
الله يخليك لي يارب ولايحرمني من كلامك الي زي العسل
وشراااااااااااااااااااااااااااايج اكب كل حبي فيج انتي بس سمعي ترى بذبحج بحبي وتشردين مني
الله يرزقني القلب الكبير عشان احبكم كلكم وبنفس المقياس
انتبهي لنفسك حبيبتي وبشررريني عنج دووم
ولا تشغلين بالج فيني انا بخير ياحبيبة قلبي دامج بخير
احبك
__________________
اعضاء المنتدى جمعني الله بكم بالجنة