تبغين ربي يستر عليك من جد استغفري ربك وتوبي له هذا اولا

وابغاك تثقي بكلامي اكسري شريحتك إلي تكلمي منها هالمخلوق وجيبي شريحة ثانية

و ياذكية لو يعرف اخبارك من احد ثاني كان ماسأل وين زواجك

واسمحيلي هالكلام الي بأقوله ( بتكوني غبية بالمره الثانية لو قلتي له متى ووين زواجك )

الرجل مايعرف شي اسمه (( اني اكلمك واقول اهلي كشفوني وزوجوني بالغصب ومن هالكلام ^_^ ))

متى يعرف انك تورطي مع اهلك وصارت فضيحه الا اذا انقطعتي عنه بشكل فجائي و نهائيا لاجوال ولاتلفون ولامرسال ولاشي والحين هذي فرصتك

صدقيني والله بيخاف

اربع سنين مليون بالميه صورتك انحذفت من عنده والحين تورط يبغى خيط يوصله لك غير الصورة افهمي ياحلوه

صدقيني ربك يحبك رزقك بزوج يمكن هذي طريقك الصحيح لتنجي من هالانسان الي ماتعرفي اصله من فصله
اهو انتي تقولي انا ثقتي بالله كبيرة مااشوف هالثقة فيك كله خايفه وشوي وتصدقي وساويس الشيطان الحين الشيطان مره متضايق انك بتنهي علاقتك بفلان فما عنده غير انك يزن فوق راسك بالصورة والفضيحه

قولي اللهم اني استغفرك واتوب اليك و افوض امرى اليك لا ملجأ ولا منجا منك الا اليك

وابدئي حياة جديدة ولاتخوني زوجك مجرد ماتكلمي هالمخلوق معناته انك تخوني زوجك

الله يستر عليك دنيا واخره ويبعد عنك اولاد وبنات الحرام

وهالشاب الله يهديه ويشغله بطاعة ربه بدل ماهو مصر على انه يكون واحد من المعازيم