المشاركة الأصلية كتبت بواسطة بنت الحكمي

هلا والله ببرفسور وإستشاري المنتدى الناجحة والغالية على قلوبنا أختنا ومعلمتنا بيتا تو بارك الله فيك بصراحه عنوان الموضوع جذبني بالذات يوم شفت كلمة الأدوات حسبتك تبغي آدوات مثل سكين ومفتاح براغي ومقص ومشرط ومنشار وكيبل كهرباء قلت بسم الله هاذي وش تبغى من أدوات
حنا في الخدمة وبعد ماقرأت الموضوع زين وصلت عند كلمة العسكرية قلت بس خلاص هاذي عندها شئ كبير وشكلها تسأل عن بندقية كلاشنكوف
وال آر بي جي أورشاش 52ملم
بس لما أكملت القراءة وجدته إنك تريدين سعادة الزوجات وراحتهم بصراحه كلامك إبداع حتى صفة واحده ماخليتيها لنا
أوجزتي وأنجزتي بارك الله فيك
وأنا بقول شئ عندي بعد إن الزوجة إللي تبغى حياتها تنجح تحط بقاموسها بعض الكلمات
وتحذف بعضها والكلمات هاذي هيه كل ماناداهازوجها ترد
حاضر حبيبي@ أبشر طال عمرك @يابعد هلي وطوايف طوايفي@حاضرين للحلوين
آمر تدلل يابعدهم@ تؤبر ألبي إبن عمي شو بدك@أأمور على راسي تكرم عينك @ أيوه مالك يسيدي تندهلي عاوز إيه @ وإللي عندها إضافه تضيف زياده طبعا الكلمات المحذوفه
بقول إللي أقدر أستحضرها الحين في ذاكرتي ومنها وش فيك جالس تصارخ@ أيوه نعم شو بدك عاد يازينها لوحطت يدها على خصرها وتهز وتناظره بطرف عينها لزوجها وبينهم مشكله سابقه ما أنحلت
والثالثه طيب طيب طيييييب جايه
إيش تبغى بيه طبعا بنفخه وصرخه @والرابعه تمشي ساكته على الصامت إلين تجي جنب زوجها وتقوله ناديت عليه أنا @ والخامسه بصوت عالي سلامات ماتشوف إلا أنا بالبيت تنادي عليه طيب عيالك عندك ماتشوفني مشغوله الحين @
والسادسه يخرب بيتك يامأصوف الرقبه لشو عم بتصيح
طيرتالي عألاتي مترجم عقلاتي@والسابعه وش تبغى مني ما أنا فاضية لك @ والثامنة لالا ماأنا بجاية أبد وش بتسوي @عادهاذي خطيرة شوي طبعا خلصنا من بعض الكلمات وبرجع أقول لنجاح حياتك أتركي شغلة الإستخبارات المركزيه والبحث والتحري يعني التجسس في جوال زوجك وإميله ومحفظته وجيب ثوبه إلا بعلمه وموافقته وحافظي على أسرار بيتك مو عند كل مشكله ألو يمه زوجي فعل زوجي قال بكذا خسرتي زوجك وحب اهلك وإحترامهم له وكمان زوجك إذا قال كلمة إحترميهاوإذا أمرك بشئ في غير معصية الله أطيعيه طبعا لنجاح الحياة مطلوب منا النظر إلى الجانب المشرق منهاوالتفائل بالخير والسعادة وإذا كان هناك ماضي مولم في حياتك يجب عليك نسيانه حتى لاتتأثر حياتك المقبلة بالماضي وتفشل بهابسبب ذكريات الماضي إذا الإنسان وضع له هدف في حياته فيجب عليه السعي لإنجاح ذلك الهدف والهدف لن ينجح ابدإلا بإرادة وتضحيات .
والكلام الحلو والطيب يدخل القلب مباشرة
والإبتسامة لها مفعول وسحر مع جميع الناس فمابالك بشريك العمر.
ترك العناد والعصبية وإحلال مكانها الحكمة والتروي والهدوء
في وقت العواصف الأسرية
يجب عليها أن تكون واثقة في أي قرار تتخذه في حياتها بدون مساعدة أوتدخل الآخرين في قراراتهاوتستخدم مع القسوة اللين ومع الشدة الرخاء ومع الغضب الصمت ومع التساهل الحزم ومع المشاكل الحكمه والعقل .
والإحساس بمسؤليتها وقيامها بواجباتها على أكمل وجه وتتقي الله في بيتها وزوجها وتربيتها لأولادها التربية الصالحه فهاذا الشئ سينعكس على حياتها وسعادتها الزوجية . أختي بيتا أشكر ك من أعماق قلبي على هاذا الموضوع الطيب والحلو مثل اللي كاتبته جزاها الله خير.