المقولة هذي ليست قران منزل عشان تكون منطبقة تماما..
لكن فيها نوع من الصحة.. وهذا النوع شفته بعيني وعايشته.. انطبق على ناس ولم ينطبق على غيرهم..
وكلهم كانوا مقربين..
صحيح البنت مالها ذنب بأمها لو كانت الام سيئة.. أو مو سيئة بس تكون الأم فيها نوع من الصعوبة في التعامل..
فبذلك يبقى التأثير.. ممكن تكون البنت مخالفة تماما لأمها.. لكن يبقى تاثير أمها على حياتها..
اعطيك صورة حية-
وحدة أعرفها ياللللللله صعبة لدرجة ماتتخيلين سليطة لسان.. أنانية.. ممثلة درجة أولى.. عندها ثلاث بنات وحدة احلى من الثانية..وأخلاقهم فوق القمة..
تزوجت الكبيرة.. وكانت نعم الزوجة.. أنا شفتها بعيني شلون حاشمة زوجها وأهله..
بس أهل زوجها كانوا شوي مو مرة مع مرت ولدهم.. بس ماكانوا يغلطون عليها بس مو معاملينها مثل بناتهم..
المهم..
البنت هذي حملت .. وكان حملها صعب.. وراحت تقعد عند امها على ماتعدي فترة الخطر..
الأم بدت تعبي راس بنتها.. فحنا نصحناها أنها خلاص تروح لبيتها.. عشان ماتسوء العلاقة أكثر.. لأنه مهما كان هذي امها..
راحت بيتها.. الأم انجنت.. قالت لها لامايصير وعلىالأقل خلصي 5شهور وبعدين لاحقة على بيتك ومن هالكلام..
المهم الأم ماصبرت وراحت عند بنتها في بيتها.. وصارت تتدخل بالصغيرة والكبيرة..
الزوج خلااااااص قفلت معاه.. وصار يتصبر .. وعدت الفترة..وولدت ورجعت الام لبيتها..
لكن أستمرت الام في التدخل بكل شي.. لمييييييييين خلاص اتطلقوا!!!!!!
والبنتين اللي باقين ماتزوجوا..
وأنا سمعت وحدة بإذني تقول: ياربي مرة ودي بفلانة لولدي بس بصراحة امها ماتنطاق.. واخاف بكرة من المشاكل..
مع انها ماتدري انه سبب طلاق بنتها الكبيرة من الأم لانها مو مقربة مرة منها..
لكن حنا عارفين لاننا عشنا معاهم الوضع وكنا قراب من البنت وامها.
فإذا صارت الام سليطة يخاف الواحد يتزوج بنتها حتى لو كانت البنت ملاك..
بسبت الأم..
وفي امهات ضعوف مساكين مغلوبين على نياتهم وبنتها تطلع نسرة مستنسرة
.
بتقولين طيب وش الحل!!!
بقولك الاستخارة.. وتحري العوايل المترابطة.. ذات السمعة الزينة.. والام الحكيمة.. اللي لو غلطت بنتها وجهتها..
لانه لوكانت الام غير حكيمة ولا لها تأثير على عيالها ماراح تقدر توجه بنتها لو أخطات..
__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))