اللي احب اضيفه
اني اولا اشد على كلام الغالية بيتا
ان الخلل بأسلوبك
وهو اللي بنفرها
حافظ على انفعالتك وهدؤك وبتشوف تجاوب
أما موقف زيارة الخمس ساعات
ذكرني بزوجي
مرة قالي خاطري افتح قلبك اشوف مين معزته بقلبك اكثر انا والا خالتك فلانة.
لأن خالتي كثير احب اروح عندها واجلس عندها وقت طويل
حتى زوجها يقول لزوجي انها تحب نبض اكثر مني>>غايرين الشباب
المهم
السبب اللي ماقدرت اوضحه له لأنه عصبي وممكن يهجم علي لو قلته
هو انفعاله وانتقاده لكل سالفة ممكن اقولها
مثلا: مرة قلت له عن مشكلة بالمنتدى هنا قالي وانتي مصدقة اللي يكتبون بالنت كذابين>>قلت بنفسي الشرهة على اللي يسولف معك
ومرة اسولف له عن عصابة سرقة بحي أهلي وان خالي كان بيشتري شاشة مسطحة 55بوصة بس تراجع علشان هالعصابة قاطعني وقال اكره اللي يتفاخرون!!!!قصده خالي المهم قلت بنفسي المفروض اصلا مااسولف عليك
ومرة برضو قلت له اخوي فلان شرى سيارة كذا قال اووف اسواء وكالة مايعرف يشتري كان قوليله وكالة كذا افضل>>أوووف انا شدخلي
وكمان مرة اقوله عن مشكلة عندنا بالدوام وطلعني الغلطانة مع اني خارج السالفة اساسا وبرأ اللي انا متحاملة عليها
الخلاصة
اني كثير من الاحيان بحكي له سالفة بس ادفنها بأعماق اعماقي واقول مايحتاج لاتفاعل زي الناس وكل شيء يلقط عليه زلل فما يحتاج
وممكن اجلس مع خالتي بالساعات مانتوقف من الكلام وكله بساعته يمشي بدون مقاطعات
فأنت دامك تتوقف معاها لاتتوقع انها تتمنى تحاكيك
اتوقع انها اخذت درس وماعاد تسولف لك عن علاقتها بزميلاتها وبتصير تخبي عنك لأنك فعلا تغار وتجلس تفارن وتنفعل
الشيء الثاني
صحيح هي ممكن تخطيء بس برضو انت يصدر منك الخطأ وكلكم بمرحلة التعلم الآن
لاحظ انها تعلمت واتصلت وراضتك رغم الخلاف
وانت تعلمت وهذبت اسلوبك معها
وحلاة النجاح يجي بعد التعب
الله يسعدكم ويوفقكم يارب