شكه يجي على موجات ..وما بين الموجات يكون الجو جدا مريح ..يعاملني بثقة لكن هذا الوقت يكون قصير مع اني أمسك فيه بايديني واسناني أتصرف بطريقة اللي ما تثير شكوكه وأكون حريصة جدا ..حتى أحيانا يلومني ليش أشحت بوجهك الجهة الثانية عن الرجل ..عيب ...خلي وجهك قدام لكن عيونك تحت ...يراقبني بدقة وانا أحاول أنفذ له كل طلباته على تناقضاتها أحاول كل جهدي لكن بسرعه نرجع ننتكس . وضع متعب ..متعب جدا

الموجة هذي بدأت من اسبوعين تقريبا وانا أعمل مثل ما تقولين ...أساسا هذي هي شكوتي ...تعبت ..تعبت وانا اساير وأدلل بدون مقابل بس حتى يكفيني شر غيرته ...اشوف طيبته وحسن تعامله مع كل الناس ما عداي واتضايق ...اتعب ليش انا لازم اشحد كل لحظة ود شحدة .. المفروض يكون حسن تعامله معي مقابل حسن تبعلي له ..لكني بحالتي اخذ مقابل تفاني وفناء لنفسي مقابل رد الاذى بس ...

المهم

أفهم من كلامك اني ما أبدأ بالنقاش ولا أحاول أفتح الموضوع ؟؟؟؟ هل هذا مو بصالحي ؟؟؟
هو طول الوقت يلمح ويتصرف معي بطريقة انعدام الثقة الان ... أتغابى وأعمل نفسي مو فاهمة الى أن يقولها صريحة أتضايق وانقهر وابعد عنه ... وهو بالمقابل يبعد أكثر وتصير الحياة لا تطاق ..يبدأ باستفزازي بكل شيء .. ينتقد كل شيء أعمله بالبيت وكل تصرف للأولاد ... أحسه يحاول يوصل معي لنقطة الصدام .
ولما نوصلها يطلع منه كل الكلام الجارح ... وربي ما أحب أتناقش معه لانه النقاش معاه عقيم ... نكرر كل مرة نفس السيناريو .
هو يتهم وأنا أنفي ..أطلب حدث معين ..متى كنت كذا ؟؟ متى عيني زاغت ؟؟؟ ما يعطيني جواب ..يقول دائما وانا شايفك ولا تكذبيني .... اذا ما أقريتي معناها انك مو ناوية توصلي لحل ... بدك تتغيري وللا لأ ... أقول ما أنا متغيره خالصة وقاعدة أعمل مثل ما تقول .... اوووووو رجعنا ...يعني ما بدك حل ...الى أن أيأس وأتعب ..أتعب ..صدري يسكر ...أقول ..حاضر ... بسوي اللي تقول عليه وانا ماني عارفه شو طلبه أصلا غير اني أدفن نفسي واختفي ما احد يشوفني ...

لكن على الاقل الحوار انتهى ونفسيته تهدا ...طيب الى متى ؟؟؟ أكيد بيوصل يوم وما يقبل مني أي كلام أو وعود .... مرة اشترى مسدس ,,,مسدس هوا عشان المزرعة لكني وربي ارتعبت ...ممكن يستعمله بأي لحظة من هذي اللحظات ... ووقتها كيف أكون حميت أولادي وشو نتيجة صبري ؟؟ مو لو تطلقنا أفضل ؟؟؟

__________________