اقتباس:
المشاركة الأصلية كتبت بواسطة غــربة الــروح
أختي فقيرة إلى الله ـ
بداية ـ أعتذر مسبقاً عن قسوة ردي وعارفه أن ردي ماراح يعجبك وماراح يعجب الجميع وكل واحد له وجهة نظر .
اختي انا ماسئلت عشان ازعل من احد انتي اخت وجهة نظرك احترمها
إنتي لو عندك قلب ما تتزوجين وتتركين أولادك !!
مافيه احد بدنيا راح يعرف الي بقلبي اويمتلك حب لاولادي اكثر مني انا اترك الدنيا كلها ومافيها والا اترك اولادي
أكبر عيالك عمره سنتين والثاني سنه و ما شاء الله تبارك الله ـ جايه تستشيرين في موضوع زواجك ؟؟؟
هل اذا استشرة أخواني وخواتي تشوفين فيها شي؟؟؟
وش تبين في الزواج وفي الوقت هذا بالذات ؟؟ تبين تقهرين طليقك لأنك بتتزوج أنا بتزوج ؟؟
ابغى واحد يعوضني عن الي ماشفته مع الاول واحد يقدرني كثر ما اقدره ابغى يحترمني يعتبر لي وجود بحياته ابغى واحد يساعدني على مواجهة الي جاي ما احد يضمن الدنيا
اصابع يدي مو سوا موكل رجال مثل الثاني المسائله هاذي كلها توافيق من الله
تبين تقهرين طليقك لأنك بتتزوج أنا بتزوج ؟؟
أختي مو انا الي افكر في الشي هذا ابد انا عقلي اكبر من اني التفت لتفاهات هاذي لان هاذا مستقبل وشريك عمر مو يوم او يومين واحب اوضح لك شي ترا طليقي للحين ماتزوج لنا سنه منفصلين
يعني انامافكرة (انك انت تزوجت انا بتزوج لاوالله)
مافكرتي في أولادك ؟ حتى لو مع أهلك بتتركينهم وين قلبك ؟ وين أمومتك ؟ خلي لهم فرصه أول يشبعون من حنانك وعطفك ، موكفاية على طفولتهم فاقدين حنان أبوهم تبين تفقدينهم حنانك أنتي بعد ؟؟
مافكرتي في أولادك ؟
اولادي هم كل تفكيري
حتى لو مع أهلك بتتركينهم وين قلبك ؟
قلبي وكلي لهم
وين أمومتك ؟ خلي لهم فرصه أول يشبعون من حنانك وعطفك ، موكفاية على طفولتهم فاقدين حنان أبوهم تبين تفقدينهم حنانك أنتي بعد ؟؟
شوفي اختي ماتوقع فيه امومه اكثر من امومتي مونقص في الامهات لا لكن الامومه والعطف والحنان الي معطيته اولادي هاذا اعلى حد الامومه
انا لماكنت والده قيصريه كان طفلي في العنايه ورفضو يجيبونه اشوفه لانه في العنايه انا بنفسي رحت لمه مع اني كنت تعبانه حيل لاني قبل الولاده كانو يحاولون معاي اولد طبيعي لاكني تعبت وتئزمت نفسيتي من كثر التفكير في مشاكلي انا وابوهم وبعدين سولي قيصريه يعني تعبانه حدي وقسم بالله رحت للعنايه بالليل والله ماكملت 24 ساعه من ولادتي بس عشان اشوفه خطواتي كانت محدوده من التعب الي انا فيه كنت اروح له باليوم اكثر من مره رفضت اطلع من المستشفى الاوولدي معاي
كل هاذا وش تسمينه
تحملت تربيت عيالي بنفسي صح اهلي لهم الفضل الكبير بعد الله لكن انا ماقصرت معاهم باي شي من حنان وعطف وامومه
إتقي الله وخافي ربك ،
حسستيني كأني مسويه شي حرام او مقصره مع اولادي الله يسامحك اختي
الزواج مو حرام ولا عيب كونك مطلقة ـ لكن الحرام والعيب أنك تتركين أولادك وهم في هذا السن اللي محتاجينك فيه ، انتي ما انتظرتي حتى توصل سنهم لسن التمييز على الأقل ـ حتى لو لنفرض انك بتاخذينهم معك بتقدرين تهتمين فيهم مع رجل غريب عنهم ؟؟
اختي تقسيم الوقت يرجع لزوجه وشطارتها فيه بعضهم يكون مامعها غير طفل وعندها شغاله تحصلينها مومهتمه بطفلهاومو قادره ترضي زوجها او تعطيه من وقتها
الأبناء أبوهم إذا أحتاج زوجته ما يتحملهم ـ بيتحملهم زوج أمهم ؟؟
اختي ارجع وقولك الرجال يختلفون مراة يكون مافيه اقسى من الاب على ابناءه ومرات يكون الغريب ارحم واحن على اطفاله اختي احب اوضح لك شي ترا ابوهم له الحين تقريبا ست اشهور ماشاف عياله والا فيه اي سبب يمنعه
كبري عقلك ـ وفكري أولادك لا تتركينهم ، حتى لو كانوا معك بعد زواجك في كل االحالات بتتركينهم سواء أخذهم أبوهم أو قعدوا عند أهلك أو أخذتيهم معك لا تحرمينهم حبك ـ كفاية اللي هم فيه اتقي الله فيهم ـ بعدين أفيقي أولاً من صدمتك في أبوهم واستعيدي توازنك وبعدها بكم سنه فكري بنفسك لا تكوني أنانية الله يهديك .
|
اختي الغاليه انا ماني انانيه وبعدين طلاقي منه مو صدمه لا والله نعمه واحمد الله واشكره لاني انامن اول مشكله موكله امري لله وداعيته انه يختار لي الي فيه خيره لي حتى في ولادتي دعيته والحمدلله هاذي هي الخيره
اختي انا ما اكذب عليك ادمعت عيوني من كلامك وقسوته في بعض الكلمات لكن والله مازعلت منك هاذي وجهت نظرك على عيني وعلى راسي
والي اقدر اقوله لك في الاخير الله يوفقك ويسعدك وين ماتكونين وردك على موضوعي شرف لي
__________________
دعواتكم لي بظهر الغيب ان الله يوفقني
ويرزقني بالزوج الصالح الي يسعدني انا وعيالي
وان الله يكفيني شر ابوهم اللهم آمين
التعديل الأخير تم بواسطة فقيره الى الله ; 14-01-2011 الساعة 08:12 AM