اخوي اول شي الله يوفقكم ويهدي سركم
بعدين اخوي المفروض انت ماتخبي عن زوجتك اذا انت مقتنع ان زواجك من ثانيه هو الحل
صارحها وحط النقط على الحروف عشان يكون كل شي واضح لها في البدايه اكيد بتنصدم وبتدعي عليك اكثر من الاول ويمكن تسب وتسوي اعظم من كذا لان الي واضح ان زوجتك تغار عليك وانت اخوي المفروض ماتستغلها من ناحية النقطه هاذي بالعكس
تسألني هل علاقتك مع المرأة حلال أم حرام ولن يأتيها الجواب عقوبة لها
ليش اخوي كل هاالقسوه لاتقول ردة فعلك من تصرفاتها ودعاويها عليك هاذي زوجتك وام عيالك يعني انت وش تتوقع تكون ردة فعلها اذا تزوجت بدون علمها اكيد بتنصدم
اخوي زوجتك تحبك دعوتها عليك هاذا من غيرتها عليك انت اذا تحبها حط لها الف سبب وسبب عشان تمشي الحياة
يكفي انها تركت اهلها ماتزورهم عشان غيرتها عليك
الحل اولا شي صارحها وتقبل ردة فعلها وحاول اتراضيها وان شفت الموضوع كبر اطلع اشوي من البيت عشان ما تغلط عليها والا تسمع منها شي يزعلك وارجع وجيب معاك هديه او باقة ورد وحاول اتبرر لها لانها زوجتك وام عيالك
ثانيا لاتحاول تستفزها ابد مهما هي قالت تحمل اشوي لان الصدمه بتكون قويه عليها
الله يوفقكم ويسعدك يارب
__________________
دعواتكم لي بظهر الغيب ان الله يوفقني
ويرزقني بالزوج الصالح الي يسعدني انا وعيالي
وان الله يكفيني شر ابوهم اللهم آمين