منتدى عالم الأسرة والمجتمع - عرض مشاركة واحدة - زوجي واهلي
الموضوع: زوجي واهلي
عرض مشاركة واحدة
قديم 12-01-2011, 10:12 AM
  #7
ام-وقاص
عضو نشيط جدا
تاريخ التسجيل: May 2008
المشاركات: 252
ام-وقاص غير متصل  
ماشاء الله على زوجك ..
انت لو عندك ولد راح تتمنين انه يدلعك كذا ..
بعدين يقولون لو تبي تعرف كيف الرجال يعامل زوجته, شوفه كيف يعامل امه .. معناته اهو حتى لو مو بنفس الدرجه يعاملك, لكنه اكيد حنان و طيب ..
مو مفروض يدلع امك و يقولها يا روحي و حبيبتي وووو .. يكفي الاحترام .. و مثل ما ردوا علياكي الغاليات كنت انثى و نونو 4 - انتي غرقي امك بهالكلام ..
و بالنسبه لاهلك و ازواج اخواتك , لا تقارنين نفسك بيهم حبيبتي .. و ما خفي كان اعظم .. ما تدرين يمكن هذولي اللي انت شايفتهم سنع , ويمكن في بيوتهم زوجك احسن منهم بكثير ..
انا زوج اختي من النوع اللي لازق بزوجته, كل مكان ورا اختي .. و دااااائما مع اولاده .. و طول الوقت بالبيت .. لو طلع - لازم يعطيها برسنتايشين ليش يبا يطلع و لازم اهي توافق عليه .. طبعا اهلي شايفين انه ملاك .. و يعامل زوجتي زين و طيوب مع عياله .. و دوووووم يقارنوه مع زوجي .. زوجك ما يقعد مع ولده .. زوجك كله طالع و ما يقعد وياج .. زوجك كله مع الشباب ..
انا كنت اتضايق اشوي (مو وايد لانه كنت احبه كثير و ما همني) .. لكن مع كل عيو زوجي و بلاويه - حاسته رجـــال .. في الشدايد يتصلون بزوجي بس .. الوالد الله يحفظه كل ما يبا شي على طول يتصل بزوجي . و كل عمومي و خوالي .. هو اللي يقدر يساعدهم في كل شي ..
والحين اهم يدرون قيمه زوجي .. و ان اهو كذي متربي ..

لا تشيلين هم و لا تقارنين .. احمدي ربك و عيشي حياتك .. و حبي امه , و دليعيها مثل ما ولدها يدلعها ..