منتدى عالم الأسرة والمجتمع - عرض مشاركة واحدة - لن اتصل بخطيبتي لأنها هي لن تتصل بي

12-01-2011, 08:04 AM

#71

خاله بيتا

عضو المنتدى الفخري

تاريخ التسجيل: Jun 2010

المشاركات: 9,516

اقتباس:

المشاركة الأصلية كتبت بواسطة م زيتون

ردا على هذه:

أقول لك أن هذا مربط الجمل... لو غيرت طريقتي لما استوعبت و لزادت في تحكمها و تسلطها بدون ما هي
تشعر... يعني عن غير قصد... فالحزم و البوح بأخطائها هو اول متنفس لي و ثانيا درس صعب لها... و غير كذا لا
استحمل و لا اصتبر على آلامها الطفولية ان شئت ان تسميها...
لكن تغيير هذه الطريقة أمر سأتفكر فيه و كيف استبدله... لأن الوجع موجود...

معك 100% ... أكيد لازم انت تحكي لما هي تغلط وأكيد لازم انك تعلمها وتطلع مشاعرها المدفونة ..
موافقة معك وأكيد ما لازم تسكت وتنسى الموضوع ولا كأنه صار ...

لكن <<< هون المشكلة ..في لكن هههههههه

لكن كيف الطريقة الصح اللي بتريحك انت وما تستهلك أعصابك وانت تعلم فيها وكمان هي ما تنفر وتصير تكابر وتعاند وتخاف منك بدل ما تستوعب ؟؟؟؟؟
ابدأ من داخلك ...انت لو مقتنع انها فترة مؤقته وانها فترة تعليم وانه مافي مشكلة متأصلة بالبنت بتكون مرتاح أكتر .. بتعلمها وبتحكي عن الغلطة بدون عصبية ... بالعكس ..من منطلق حب ... هيك يا زيتونه ..هيك هنت عليكي وما حكيتي ولا همك ليش ما بتصل ؟؟ طيب افرضي كنت لا سمح الله بالمستشفى وما برد لاني مو قادر ما بتتصلي تسألي !!..مع هذاك السمايلي

...
أو ترى يا زيتونه انا وانت لحال والدنيا التانية كلها لحال ...مشاكلنا النا واحنا بنحلها ..احنا الاتنين عيلة لوحدنا وما بصير يدخل حد بينا مهما كان قريب وبحبنا ... ما راح يقدروا يعرفواكيف انا بفكر وبينصحوكي غلط بينما لو ناقشتيني بنوصل لحل وبفهم عليكي وبكبر حبك بقلبي... كيف بدنا نفهم بعض اذا ما حكينا كل شي لبعض ..

ناقشها من باب توضيح الامور بهدوء ولا تظل تذكرها بانه حياتكم مشاكل .. بالعكس هاي فترة بيمر فيها كل شريكين سواء بالخطبة أو بأول الزواج ...اسمها فترة تأقلم ...ومن بعد هيك فهمها انك بتحبها .خليها تبطل خايفه منك ..

مش غلط لما تكون الغلطة صغيره انك تمررها ...امممم عملتي هيك أو قلتي هيك بس قلبي مو راضي يزعل منك ..بيحبك شو أعمل ؟؟

أما ردي على هذا:

فأقول أن هذا حلمي! أن يكلمها أحد منكم و أنا سأدفع التكاليف كله و لن يهمني... و لكن سيعيشني بجنة من
الفرح.... لأن ما ينقصها هو همسة بسيطة في أذنها!!!

يا ريت لو الإدارة تسمح لأحد أن يتصل بها... استطيع ان أخبرها و هي خطيبتي أصلا عارفة مين هي الخالة جرين
و بيتا و نورة و الكل الكل...
لو فيه وسيلة أكون أسعد انسان

ما في مجال يصير عندها نت ؟؟؟ في تغطية بمنطقتهم ؟؟
18:

سؤال

لما بتحكي معها بتقولها انك بتحبها ؟؟ وللا بتنتظرها هي تقول ؟؟؟ وللا بتبتدوا بالمشاكل على طول ؟؟
حاول انك تكون لين بالأول وكلمتين غزل وبعدها تحكي عن أي شي مزعلك بهدوء وشوف كيف انها بتتجاوب معك

والشغلات الصغيرة لا تعلق عندها ... خليها تحس انك متسامح ومش ماسكلها على الوحده

ومتل ما قلت لك بردي بموضوعي بقسم المتزوجين ...استخير ...استخير كل يوم يا زيتون ...اذا مشاكلكم مؤقته ولما تصير عندك بتتحسن أحوالها بترتاح انت الان وبتهدا نفسيتك وربنا بييسر الامور ..
واذا مافي خير بتنتهي الامور غصب عنك بلمحة بصر ...

__________________