السلام عليكم
اليوم زارني اخوي الكبير في بيتي فجأة ودخل وسلم علي وقال زوجك موجود قلت له طلع للصلاة ومارجع قال كويس ابغاك بموضوع ماراح اطول انا خفت قلت له خير ان شاءالله امي فيها شي قال لا الحمدلله كلنا بخير
المهم قال انتي كيفك قلت الحمدلله بخير
قال ابغى اسألك سؤال وتجاوبيني بصراحه
قلت خير ان شاءالله
قال وش في وجهك متغير وشاحب وشكلك تعبانه وش فيك مو انتي اختي اللي اعرفها تغيرتي كثير وبسمتك وضحكتك غابت عنا وانقطعتي عنا وحتى زياراتك مختصره والحزن يخيم على وجهك ارجوك قبل تتكلمي تقولي لي الصدق وش فيك
انا ساعتها خنقتني العبره ماعرف وش اقول حاولت اداري دموعي لاتنزل قدامه واضعف واقول
قلت له انا بس تعبانه شوي وابني الصغير يسهرني مايخليني انام كويس
قال ارجوك صارحيني تكلمي وش فيك
قلت ارجوك مافيني شي صدقني انا بخير مجرد ارهاق وتعب وسهر مع البيبي
قال اوكي خير ان شاءالله انا استأذن قلت له بدري قال انا جيت اطمئن عليك بس انا من شفتك عند اهلي وانا مو مرتاح بس ماحبيت اسألك امام الجميع
قلت الله يخليك لي ياخوي ومايحرمني منك
__________________
لا اله الا انت سبحانك اني كنت من الظالمين
التعديل الأخير تم بواسطة &دلوعة مودي& ; 11-01-2011 الساعة 11:23 PM