السلام عليكم ورحمة الله وبركاته

أختي الكريمة

أنت بنت في ريعان شبابك لك كامل الاحقية في الزواااج , ولا أدري نبرة العتب والتسخط التي جاءتك أن من لديها أطفال بمثل سنك ومطلقة يجب أن لا تتزوج , ومن أي دين ومن أي كتاب أتوا بهذا الكلام والصحابيات كانت ما أن تنتهي عدتهن حتى هي على ذمة الرجل الثاني

حتى المعتدات من وفااااة وزوجات الشهداء رضي الله عنهم أجمعين ...والصحابة يتسابقون ويتنافسون على الزواج منهن

مادري يعني الرجال المطلق ما يكمل شهر من طلاقه الا وهو مااخذ بكر بقراطيسها والبنات بعمر 24 و 28 ويقولون اقعدي طول عمرك على اطلال رجل ما خاف الله فيك ( في حال ان المطلقة مظلووومة ) واقعدي ربي له عياله وهو يسرح ويمرح مع الثانية وعيالها !!!
صح اختي الحين مجتمعنا الرجال كل شي عادي والبنت لا مع العلم اني صبرت حتى الطلاق ماطلبته هو من نفسه طلق لانه موقادر يتحمل مسؤليتنا انا وعياله
لا حبيبتي في حلول وسطية ان يكونون اولادك مع امك وعندك وبنفس الوقت تنسترين مع زوج

المهم نرجع لموضوعك

بالنسبة لي أشوف ان هذا الشخص غير مناسب , واذا رغبتي بالزواج تزوجي من شخص قريب من منطقتك لأجل أطفالك , وطليقك يظهر لي يوم انه من طقة البخلاء انه ما بياخذ عياله واصلا يمكن ما يقدر ياخذهم لان الحضانة تنتقل لامك مادامها حية الله يبارك في عمررها ...

آمين اختي ويبارك فيك
أنا اتوقع ان شاء الله انه هو بس مجرد تهديد ولو حاول جاد اهلي ماراح يخلونه ياخذهم وفعلا الشيخ يقول الحضانه لامي اذا ابوهم رفض اخذهم معاي
لكن انا اتمنى يكونون معاي ادعولي انه مايرفض يعيشون معاي لاني ماني متخيله حياتي بدونهم
بس هذا الشخص بعيــــــــد جدا عن أولادك وبنظري ما يناسبك , بينما ممكن ترتبطين بشخص قريب من بيت أهلك وتاخذين عيالك عندك وبدون اي اشكال
دعواتكم لي بزوج الي يكون من منطقتنا ويسخره ربي لي ولعيالي ويكون مو متعدد انا ما ارضى اسبب جرح لأنسانه

اسمعي نصيحة الاخ البليغ ولا تستعجلين في زواجك الثاني
الله يجزاكم خير والاخ البليغ ماقصر
وكل الاعضاء الله يسعدهم ماقصرو وتفاعلو معاي مثل اخت لهم

عموما حطي في الحسبان انك ما تاخذين معدد الا وانت ضامنة كل حقوقك ولا ترضين بأي تنازل لان التنازل يجر تنازل , اضمني الشخص اول شي ودينه , ومن ثم البيت ومعرفة أهله وزوجته وضرورة العدل بينكم ...

ولا تقدمين اي تنازل من البداية لانه راح يكمل مشوار التنازلات لان الزوجة الاولى غالبا تتفجر وكل يوم يبغى يسترضيها وكله على حسابك وعلى حساب حياتك معه ...
انا احس فكرة معدد قويه وانتي نفس نظرتي تقولين الاولى بتتفجر يعني بتنجرح انا ما ابغى اكون سبب بجرح انسانه ابد
ومن قبل لاهذا يخطبني ماكنت مفكره باخذ واحد عنده زوجه لكن اخته تمدح فيه وتقول ان زوجته موافقه وتقول لما سئلت اخوي لما طلب اخطب له قلت زوجتك موافقه قال كلميها وشوفي
وتقول كلمتها وقالت اي زوجوه
اختي الماضي الدفين ممكن اعرف وش الحقوق الي لازم اكون ضامنتها سواء من الزوج هاذا او غيره
انا باخذ بكل مشورتكم لاني معتبرتكم اخواني وخواتي وانا اختكم

بالنسبة لكلام مهرة عن زوجته فأنا أوافقها الراي ما أعجبني كلامه وما ادري اذا له مبرر شرعي أو لا
اخت مهره ماقصرت الله يسعدها
واتوقع مبرره الشرعي انها موقادره اتلحق طلباته لان زوجته تقول لاخته اي زوجوه مقدرعلى طلباته او مقدر عليه
كلمه مثل كذا يعني هذا الي فهمناه من كلام اخته

الله يوفقك ويستر عليك