اقتباس:
المشاركة الأصلية كتبت بواسطة تسجيل اضطراري
|
السلام عليكم ورحمة الله وبركاته
يا اخي قرأت مشاركتك كثيراً
و هنالك بعض النقاط الغامضة
اقتباس:
أنآ صارت لي مشكلـه مع زوجتي ،، وكنت فيها مره (( مع ـــصب  ))
|
هل لحماتك علاقه بهذه المشكلة؟؟
اقتباس:
ولين وصلت قرب البيت قلت لها انتِ طيبه ياعمري قالت ايه قلت تبين اهلك يدرون  بختبرها
قالت لا قلت تمــام ماتشوفين شر ياعمري ريحي وخدْي راحتك عند اهلـك وبيننا الوو ..
|
بصراحه هذا الخطاء يقع فيه كثير من الرجال وهم يساندون زوجاتهم على التمادي ... انت كزوج لديك أب الزوجة او وليها الذي يقف بوجهك إذا قصرت نحو الزوجة أو ظلمتها وانت من ينصفك ... ايضاً ابو الزوجة او وليها هو من ينصفك اذا اخطأت الزوجة بحقك فهو انسب شخص يقوم هنا بدور الحكم .... أذ ان أب الزوج ان كان من النوع الذي ينقاد وينساق بسرعه لكلام زوجته وبناته في اغلب الأوقات لا يصلح المهم واحد من الطرفين يقف بشكل حيادي ليصلح بينكما ...
طيب معظم النساء اذا وجدة ان اب الزوج يقف بشكل حيادي فهي تبدء بستمالته حتى يقف بصفها والتأثير بقلب الأمور والكلام ... خذها معلومه تفيدك مستقبلاً...
ديننا الحنيف ينص ان يكون بينكما حكم من اهلك ومن اهلها
وذلك حتى تحل الأمور بينكما على مرئى من الجميع والمصارحه المصارحه المصارحه تحل ان لم يكن اغلب تكون جيمع المشاكل عدا الأمور الخصوصيه بينكما لابد ان يعلم ولي الفتاة ان كانت مقصره مع زوجها اولا حتى يستطيع ضبطها ... وأستحي حين اقول ضبطها فالمرأة في كثير من الأوقات بحاجه لأن يشكمها الولي ببيت اهلها حتى لاتجد احد يقف معها بوجه زوجها لتنفذ ما يدور برأسها من وساوس...
اقتباس:
اليوم الي بعده ،، اكلمها ونسولف ودخلت امها الغرفه وخدْت الجوال وسبتني 
<< ماعنده وقت خير إن شاء الله وش تبين يلا زري امها ( طبعاً اخطيت بحركه ، تفلت بوجهها وقفلت )
|
معليش اللي سويته مره غير اخلاقي واعتقد انك مديت لسانك لأن حركة التفله ما تجي الا من بعد سب وكلام سوقي
بصراحه قلة ادب
ولو تبي زوجتك تحترم اهلك وتقدرهم لازم انت بدورك تحترم اهلها وتقدرهم عشان ما يكون لها عليك حجة ودي امها حرام عليك والمرة ارملة يعني زوجها متوفي هنا انا اقلك رفقاً بالقوارير ...
انت خذيت من الأم ظناها اغلى شي عندها ورديتها لها وهي تبكي منك ومتمشكلة معك.. خليها بمقام امك ... اعتبرها مره كبيره بالسن وغريبه عنك واحترمها لكبرها ... هذا وهي جدة اولادك من زوجتك اتقي الله في الحرمة الضعيفه..
وما ظنيت الأمور توصل لسب والتفل في شي اسمه التفاهم والزوج لازم يكون دبلوماسي ..
اقتباس:
تركتها بعد يوم قمت اراسلها واراسلها ولا احد حوووولي ،، دقيت على اخوها قلت وشفيها البنت ماترد قال لين شافت رسايلك تحس انها بترجع < عاد انبسطت انا قمت اراسلها خخخخخ
بعد ماتأزمت الأموووور وكبرت عندهم صار فيها العم والخال لان ابوها متوفي ..
قلت الي تبونه وشـــــوو قال اصبر علينا بنحاول نرجع لك زوجتك وسكت انا 
|
حلو معناه الموده لسا موجودة بينكم وموقف عمها واخوها مره حلو ..ويدعمك على فكره..
اقتباس:
اخوها يقول انها تكرهني ،،،
وعمها يقووول البنت تقول انك ماقصرت معها وانك طيب وكل شي يجيهااااا .. لكن مابي ارجع 
وامها قبل فتره تدق على الوالده وتقول ابي والدكم يطلق بنتي < قبل لا تروح زوجتي لهم ...
|
طيب اكيد البنت لسا متأثرة بالموقف مع امها وعلى ما اعتقد اكيد انك للحين لن تعتذر للوالدة زوجتك
... يوم دقت امها على الوالدة هل لطلبها طلاق ابنتها علاقه بمشكلتكم انت وزوجتك قبل لا توديها للأهلها.. وممكن ان لم يكن هنالك حرج نعرف ماهية تلك المشكلة؟؟ لنصل الى حل..
اقتباس:
ناس قالت اسحب عليها لين ترجع ..ـآ
وأهلي يقولون بنزوجـك الثانيه لانهم اخطوا عليـــك ومن اول وهم يفتشون اسرار بيتك ..ـآ
|
كلام الناس لا يقدم ولا يأخر و حتتعب راسك بصراحه
والله يمكن لأهلك وجهة نظر هل يوجد بينكم انت وزوجك اطفال او لا
وافهم من كلامك انها مقيمة بمدينة أخرى لذلك الوساوس لابد وانها فعلت فعلها مع اهلها واهلك
اقتباس:
الاسئله للبنـات /
1- هل البنت فعلاً تكرهني أم لحظه غضب ؟ قبل لا تقولها كنا بقصة عشق مجنونه حب وحنان ؟
|
اممممممم عن نفسي لااعتقد انها تكرهك ابداً بس تبي تثقل عليك ^^
اقتباس:
|
2- البنت طبعها ماتدق وترسل بعد الزعل ، بس متى ارسل او ترسل ؟
|
امممممم مين يدري يمكن المسأله تطول لشهور ^^
اقتباس:
3- جاوبوني وافيدوني انتم تعرفون كيد بعضكم علمــــووني ؟
|
تعرفون كيد بعضكم
يمكن تقصد ( اكيد تعرفون بعضكم) صح
على العموم كما قال لك السابقون لابد من الأعتذار لأم زوجتك
ونصيحة مني لا تستعجل وتجيب معاك هدية يوم تروح تعتذر لها ليه؟؟ يمكن في شي براسها ودها توصل له و ما تفيد معها هديتك واذا ردتها لك حتنكسر نفسك وتزعل وتتهور للمرة الثانية حاول تهدي الوضع وانتبه انتبه انتبه..
يمكن كان الحق في البدايه معاك بمشكلتك انت وزوجتك ويوم استفزتك امها بهواشها غلطة وركبك انت الغلط فهمت !
خليك دبلوماسي واعرف كيف توازن الأمور واهم شي كيف تكسب الحوار مع امها او مع اهلها او معها خلي الحق في صفك مو ضدك
ولنا عودة
التعديل الأخير تم بواسطة رومانسية الوحده ; 10-01-2011 الساعة 02:39 PM