المشاركة الأصلية كتبت بواسطة بنت الحكمي

الله يحفظك يالمني بشوق على طرح هالموضوع إللي أحلا من العسل بس أحس إني جيت متأخره والأخوان والأخوات كفو ووفو مابقوا شئ ماقالوه وأما أنا صراحه دورت كل الردود خلص ماعاد باقي مكان أقول فيه شئ حجزوا كل الطبائع الشاغره ولاكن أنا عندي طبع في زوجي ماقدرت أغيره والبنات ما أتوقع أحد قالت هاذا الطبع أخاف مو موجود إلا في زوجي من بين الأزواج أخاف أقوله بس لاتضحكي أنت والبنات بقوله وأمري إلى الله ياقلبي أنا زوجي قاهرني بطبع واحد ما أتوقع يتعدل مدى الحياة ألاوهو مايهتم بسيارتنا لابصيانه ولا تغير زيت وفلتر إلا بعد مايشوف السياره مافيهاحيل تمشي وداها الورشه من يوم تزوجته وهو كذا قاضي على مكائن السيارات وماضنتي إن فيه أحد شرى سياره قد أستعملها زوجي قبله وتوفق فيها هاذا طبع أنا صراحه عجزت قدامه ماقدرت أحله ولا أعدله أقوله صينت السياره يقول مافيها شئ باقي تمشي يعني لاوقفت ذاك الساع صينها.
أما باقي أطباعه الحمدالله والشكر ماعندي أي ملاحظات عليه كان عليه أول ماتزوجته بعض الملاحظات بس بفضل الله قدرت أصلحها وأعدلها وحتى هو يعترف بأني لي عليه فضل بترك بعض العادات والحمدالله والشكر مافيه أحد كامل الكمال لله عزوجل لاكن عجلي علينا بموضوعك الثاني تراني أنتظره بفارغ الصبر يمكن نلقى عندك حل لزوجي وسيارتنا الله يخليك ويبارك فيك ويرزقك من أوسع أبوابه يالمني بشوق ياراعية الطيب والذوق .